၂၀၁၉ ခုနှစ်၊ စက်တင်ဘာလ (၂၂/၂၃) ရက်နေ့၊ရခိုင်ပြည်တိုက်ပွဲသတင်းများ

အောက်ပါတိုက်ပွဲများမှာ မြန်မာစစ်တပ်ဖက်မှ မိမိတို့တပ်ရှိရာနေရာသို့ ထိုးစစ်ဆင်တိုက်ခိုက်လာသောကြောင့် ဖြစ်ပွားခဲ့ရသောတိုက်ပွဲ၊ နှစ်ဖက်ရုတ်ချည်းထိတွေ့၍ဖြစ်ပွားခဲ့သောတိုက်ပွဲ၊ အပြန်အလှန်ပစ်ခတ်တိုက်ခိုက်သောတိုက်ပွဲများဖြစ်သည်။တနည်း မြန်မာစစ်တပ်ဖက်မှ တစ်ဖက်သတ်-အပစ်ရပ်-သက်တမ်းတိုးခြင်းအား ရပ်တန့်ပြီးနောက်ရခိုင်ဒေသအတွင်းဆက်လက်ဖြစ်ပွားခဲ့သောတိုက်ပွဲများဖြစ်သည်။

စက်တင်ဘာလ(၂၂) ရက်၊ နံနက်(၁၁) နာရီ(၁၅) မိနစ်မှ နေ့လည် (၁၂) နာရီ(၃၀) မိနစ်အထိ (၁) နာရီ(၁၅) မိနစ်အကြာထိတွေ့တိုက်ခိုက်မှုသည်ဘူးသီးတောင်မြို့နယ်၊ဥယျာဉ်သာရွာအနီး ၌ဖြစ်ပွားခဲ့သည်။ (အပြန်အလှန်ပစ်ခတ်တိုက်ခိုက်သောတိုက်ပွဲ)

စက်တင်ဘာလ(၂၂) ရက်၊ မင်းပြားမြို့နယ်၊ ကျော်ကရွာအရှေ့မြောက်ဖက်၊(၅) ကီလိုမီတာအကွာအဝေးရှိတောင်တန်းပေါ်တွင် ဆယ့်ငါးမိနစ်ခန့်ထိတွေ့မှုထပ်မံဖြစ်ပွားခဲ့သည်။ ဤနေရာသည်ယခင်ရက်များတွင်တိုက်ပွဲများပြင်းထန်ခဲ့သောနေရာလည်းဖြစ်သည်။( နှစ်ဖက်ရုတ်ချည်းထိတွေ့၍ဖြစ်ပွားခဲ့သောတိုက်ပွဲ)

မြန်မာစစ်တပ်သည် ၂၀၁၉ ခုနှစ်၊ စက်တင်ဘာလ(၂၁) ရက်နေ့မှစတင်ပြီး လက်နက်ကြီးများဖြင့် ရခိုင်ဒေသအတွင်း ညအချိန်မတော် နေရာအနှံ့ရမ်းသန်းပစ်ခတ်တိုက်ခိုက်နေခဲ့သည်။ဤကဲ့သို့ မိမိတို့အားပစ်ခတ်တိုက်ခိုက်နေသော လက်နက်ကြီးစခန်းများထဲမှ မြေပုံမြို့နယ်၊ တောင်ကြီးရွာအရှေ့မြောက်(၁.၅) ကီလိုမီတာအကွာအဝေး၌ရှိသော မြန်မာစစ်တပ်၏ နပခ လက်အောက်ခံ၊ ခမရ(၃၇၃) တပ်ရင်း၏ ယာယီလက်နက်ကြီးစခန်းအားရက္ခိုင့်တပ်တော်၊ ကွန်မန်ဒိုများမှ စက်တင်ဘာလ(၂၂) ရက်၊ ညနေ(၄) နာရီခန့်တွင်ဟန့်တားတိုက်ခိုက်ခဲ့သည်။

( အမှားပြင်ဆင်ချက်။ ။ မူလက, အမြောက်တပ်,အမတ (၃၇၃) အား ခမရ (၃၇၃) ဟု မှားယွင်းဖော်ပြထားသည်ကို ပြန်လည်ပြင်ဆင်ထားပါသည်။

သုံးနာရီနီးပါးကြာတိုက်ခိုက်မှုအပြီးတွင်မြန်မာစစ်တပ်၏ ယာယီလက်နက်ကြီးစခန်းအားသိမ်းပိုက်နိုင်ခဲ့သည်။ မိမိတို့ကွန်မန်ဒိုများမှအထိအခိုက်၊အကျအဆုံးအနည်းဆုံးဖြင့် ထိရောက်စွာတိုက်ခိုက်နိုင်ခဲ့သည်။

ရန်သူ့အလောင်း(၁၀) လောင်းအပါအဝင် စစ်အသုံးအဆောင်ပစ္စည်းများ၊ လက်နက်ခဲယမ်းများပါဝင်သော ခြင်းတောင်း(၁၈) လုံးကိုသိမ်းဆည်းရမိခဲ့သည်။

၂၀၁၉ ခုနှစ်၊ စက်တင်ဘာလ(၂၃) ရက်၊ နံနက်(၁၁) နာရီ(၃၀) မိနစ်ခန့်တွင်လည်း ဘူးသီးတောင်မြို့နယ်၊ ဥယျာဉ်သာရွာအရှေ့တောင်ဖက်၊တောင်တန်းပေါ်တွင် ဆယ့်ငါးမိနစ်ခန့်အပြန်အလှန်ပစ်ခတ်တိုက်ခိုက်မှုများရှိခဲ့သည်။

မြန်မာအစိုးရ၊ မြန်မာစစ်တပ်နှင့် မိမိတို့သည်နှစ်ဦးနှစ်ဖက်ပြေလည်မှုရရှိရန်ကြိုးစားအားထုတ်နေကြသော်လည်း မြေပြင်တွင်တိုက်ပွဲများဆက်လက်ရှိနေဆဲပင်ဖြစ်သည်။ သို့သော်လည်း မိမိတို့အနေဖြင့် တွေ့ဆုံဆွေးနွေးပြီးအဖြေရှာနိုင်မှသာလျှင်လက်ရှိပဋိပက္ခများပြေလည်နိုင်မည်ဟုယုံကြည်ပါသည်။

မြန်မာစစ်တပ်၏ တစ်ဖက်သတ်-အဖြတ်လိုက်-အပစ်ရပ်-သက်တမ်းထပ်တိုးခြင်းမရှိသော်လည်း မြန်မာစစ်တပ်၏ စစ်ရေးလူပ်ရှားမှုနှင့် ရက္ခိုင့်တပ်တော်အပေါ် ထိုးစစ်ဆင်တိုက်ခိုက်နေမှုများမှာဆက်လက်ရှိနေဆဲပင်ဖြစ်သည်။ ရခိုင်ဒေသသာမက တအာင်း၊ကိုးကန့်ဒေသများ၌လည်း၎င်းတို့၏ စစ်ဆင်ရေးမှာမရပ်မနားဆက်လက်ဆောင်ရွက်နေဆဲပင်ဖြစ်သည်။

မြန်မာစစ်တပ်၏ တစ်ဖက်သတ်-အပစ်ရပ်ခြင်း/ မရပ်ခြင်းမှာ ၎င်းတို့၏ စစ်ဆင်ရေးနှင့် သက်ဆိုင်ခြင်းမရှိဟုပြော၍ရသည်။ ထို့အတူမြန်မာစစ်တပ်ဖက်မှမိမိတို့ညီနောင်မဟာမိတ်များအပေါ် တစ်ဖက်သတ်ထိုးစစ်ဆင်နေမှုများရှိနေသမျှကာလပတ်လုံးမိမိတို့၏ဒေသများ၌တိုက်ပွဲများရှိနေအုံးမည်ဖြစ်သည်။

မိမိတို့အနေဖြင့် တိုက်ပွဲများမဖြစ်ပွားလိုသော်လည်း မြန်မာစစ်တပ်၏ စစ်ဆင်ရေးလူပ်ရှားမှုများကြောင့်ရှောင်လွဲ၍ မရနိုင်သောတိုက်ပွဲများမှာ မိမိတို့ဒေသများ၌နေ့စဉ်ရက်ဆက် ဖြစ်ပွားနေဆဲပင်ဖြစ်သည်။ ထို့အတူမိမိတို့ညီနောင်မဟာမိတ်များအနေဖြင့် ထုတ်ပြန်ထားသည့်အတိုင်း တစ်ဖွဲ့ချင်းအနေဖြင့် မိမိကိုယ်မိမိခုခံကာကွယ်စစ်ကိုသော်လည်း၊ အစုအစည်းဖြင့် ဟန်ချက်ညီခုခံကာကွယ်စစ်ကိုသော်လည်းကောင်း ဆက်လက်ခုခံကာကွယ်သွားမည်။

သတင်းနှင့်ပြန်ကြားရေး ရက္ခိုင့်တပ်တော် ၂၀၁၉ ခုနှစ်၊ စက်တင်ဘာလ(၂၃) ရက်နေ့ရေးတင်ပါသည်။