အာရက္ခဒေသ၊ ကျောက်တော်မြို့နယ်အတွင်းရှိ ကြောင်ဖိုရွာအား ဖက်ဆစ် အကြမ်းဖက် စစ်ရှုံးစစ်ကော်မရှင်မှ လေကြောင်းဗုံးကြဲတိုက်ခိုက်ခဲ့မှုနှင့်ပတ်သက်၍ သတင်းထုတ်ပြန်ချက်

အာရက္ခဒေသ၊ ကျောက်တော်မြို့နယ်အတွင်းရှိ ကြောင်ဖိုရွာအား ဖက်ဆစ် အကြမ်းဖက် စစ်ရှုံးစစ်ကော်မရှင်မှ လေကြောင်းဗုံးကြဲတိုက်ခိုက်ခဲ့မှုနှင့်ပတ်သက်၍ သတင်းထုတ်ပြန်ချက်

၂၀၂၅ ခုနှစ်၊ နိုဝင်ဘာလ (၂၈) ရက်

၂၀၂၅ ခုနှစ်၊ နိုဝင်ဘာလ (၂၈) ရက်နေ့၊ နံနက် (၁၀) နာရီ (၄၀) မိနစ်အချိန်တွင် အာရက္ခဒေသ၊ ကျောက်တော်မြို့နယ်အတွင်းရှိ "ကြောင်ဖိုရွာ" အား ဖက်ဆစ် အကြမ်းဖက် စစ်ရှုံးစစ်ကော်မရှင်မှ ဂျက်ဖိုက်တာဖြင့် လာရောက်ဗုံးကြဲတိုက်ခိုက်ခဲ့သည်။

ဖက်ဆစ် အကြမ်းဖက် စစ်ရှုးစစ်ကော်မရှင်၏ ဗုံးကြဲတိုက်ခိုက်ခဲ့မှုကြောင့် ကြောင်ဖိုရွာမှ အပြစ်မဲ့ အရပ်သားပြည်သူ ကလေးငယ်တစ်ဦးအပါအဝင် အမျိုးသမီး (၅) ဦးနှင့် အမျိုးသား (၂) ဦး စုစုပေါင်း (၇) ဦးသေဆုံးခဲ့ပြီး အပြစ်မဲ့ပြည်သူ (၁၀) ဦး ဒဏ်ရာရရှိခဲ့ကာ လူနေအိမ် (၅) လုံး ပျက်စီးဆုံးရှုးခဲ့သည်။ ၎င်းဒဏ်ရာ ရရှိခဲ့သူများထဲတွင် (၁၂) နှစ်အောက် ကျောင်းတက်နေသည့် ကလေးငယ် ကျောင်းသား/သူ (၆) ဦးပါဝင်ပြီး အများစုမှာ ကျောင်းသူ မိန်းကလေးငယ်များဖြစ်ကြသည်။

အာရက္ခတပ်တော်နှင့် ရင်ဆိုင်တိုက်ပွဲများတွင် အကျအဆုံးအထိအခိုက်များစွာနှင့် ရင်ဆိုင်နေရသော ဖက်ဆစ် အကြမ်းဖက် စစ်ရှုးစစ်ကော်မရှင်တပ်သည် သူရဲဘောကြောင်စွာဖြင့် စစ်ရေးပစ်မှတ်မဟုတ်သည့် အပြစ်မဲ့အရပ်သားပြည်သူများနေထိုင်ရာ ရပ်ရွာများကို လေကြောင်းနှင့် လက်နက်ကြီးများဖြင့် တိုက်ခိုက်နေပြီး ပြည်သူများကို အစုလိုက်အပြုံလိုက် သတ်ဖြတ်ကာ စစ်ရာဇဝတ်မှုများကို ပြောင်ပြောင်တင်းတင်း ဆက်တိုက် ကျူးလွန်လျက်ရှိသည်။

ဓာတ်ပုံ - ၂၀၂၅ ခုနှစ်၊ နိုဝင်ဘာလ (၂၈) ရက်နေ့၊ နံနက် (၁၀) နာရီ (၄၀) မိနစ်အချိန်တွင် အာရက္ခဒေသ၊ ကျောက်တော်မြိုနယ်အတွင်းရှိ ကြောင်ဖိုရွာအား ဖက်ဆစ် အကြမ်းဖက် စစ်ရှုးစစ်ကော်မရှင်မှ ဂျက်ဖိုက်တာဖြင့် လာရောက်ဗုံးကြဲတိုက်ခိုက်ခဲ့မှုကြောင့် သေဆုံးသွားသည့် အပြစ်မဲ့ပြည်သူများနှင့် ပျက်စီးသွားသည့် လူနေအိမ်များ

သတင်းနှင့်ပြန်ကြားရေး

အာရက္ခတပ်တော်