မေလ(၂၆) ရက်နေ့တွင်ပလက်ဝမြို့နယ်၊ "မောင်နှမရွာ" နှင့် "ငဒက်ရွာ" အကြား ကုလားတန်မြစ်ကြောင်း၏ ဝဲယာတစ်ဖက်တစ်ချက်၌ နံနက် (၈) နာရီ (၁၅) မိနစ်မှစတင်ပြီး တိုက်ပွဲဖြစ်ပွားခဲ့သည်။
ဗမာစစ်တပ်၏ မေလ(၁) ရက်နေ့နောက်ပိုင်းထပ်မံရောက်ရှိလာသော တပ်မ(၁၁) လက်အောက်ခံ၊ ရဲမွန်အခြေစိုက်ခမရ(၂၁၈) (သိမ်းဆည်းရမိသောလက်နက်များအရ) စစ်ကြောင်းနှင့် ရက္ခိုင့်တပ်တော်-လှုပ်ရှားစစ်ကြောင်းတို့တိုက်ပွဲဖြစ်ပွားခဲ့သည်။ ရန်သူ့စက်လှေ(၄) စီးထဲမှ (၂) စီးအား အပြတ်အသတ်ချေမှုန်းတိုက်ခိုက်နိုင်ခဲ့ပြီး ကုလားတန်မြစ်နံဘေး၌တစ်နာရီခန့်ကြာတိုက်ပွဲဆက်တိုက်ဖြစ်ပွားခဲ့သည်။ ရန်သူ့စစ်အသုံးအဆောင်ပစ္စည်းများနှင့်လက်နက်ခဲယမ်းအချို့ကိုလည်းသိမ်းဆည်းရမိခဲ့သည်။
ရန်သူသည်"ငဒက်ရွာ" နှင့် "နှုံးဘူး" ရွာအရှေ့ဖက်ရှိ ဗျူဟာကုန်း၊ ၎င်းတိုက်ပွဲဖြစ်ပွားရာအနီးပတ်ဝန်းကျင်၌ရှိနေသော တပ်မ(၁၁) လက်အောက်ခံ၊ ရဲမွန်အခြေစိုက်၊ခမရ(၂၁၄) စစ်ကြောင်း၊ တိုက်ပွဲဖြစ်ပွားနေသည့် ခမရ(၂၁၈) စစ်ကြောင်းအသီးသီးမှနေ၍လက်နက်ကြီးကိုသုံးဖက်သုံးတန်မှပစ်ကူပေး၍တိုက်ခိုက်ရသည်အထိ တိုက်ပွဲများပြင်းထန်ခဲ့ရုံသာမက ညနေ(၈) နာရီအထိနေရာ(၃) နေရာ၌တပြိုင်နက်တည်းတစ်နေ့လုံးတောက်လျှောက်ဖြစ်ပွားခဲ့သည်။ တိုက်ပွဲအတွင်း သေဆုံးခဲ့သော ရန်သူအလောင်း၊(၂၀) ကျော်မှ အချို့ အလောင်းများသည် ကုလားတန်မြစ်ကြောင်းတစ်လျှောက်မျောပါသွားခဲ့သည်။
မိမိတို့ဖက်မှလည်းဒဏ်ရာရသူအချို့ရှိခဲ့ပြီး ယခုတိုက်ပွဲအတွင်းရဲဘော်တစ်ဦး ရခိုင်တိုင်းပြည်နှင့်လူမျိုးအတွက်အသက်စွန့်လွှတ်ခဲ့ရသည်။
လက်နက်ကြီး/လက်နက်ငယ်များဖြင့် နှစ်ဖက်အပြန်အလှန်ပစ်ခတ်တိုက်ခိုက်မှု၊ကြိုကြားကြိုကြားပစ်ခတ်တိုက်ခိုက်မှုများမှာ ညနေ(၈) နာရီအထိရှိခဲ့သည်။
ကုလားတန်မြစ်နံဘေးတိုက်ပွဲအပြီးတွင် အခြားတစ်နေရာ၌မိမိတို့အား ထိုးစစ်ဆင်တိုက်ခိုက်လာသော တပ်မ(၁၁) လက်အောက်ခံ၊ ရဲမွန်အခြေစိုက်၊ခမရ(၂၁၄) အား အကောင်းဆုံးတန်ပြန်တိုက်ခိုက်နိုင်ခဲ့ပြီး နေ့လည်(၁) နာရီခန့်တွင် ရန်သူအားမိမိတို့ဖက်မှလိုက်လံချေမှုန်းတိုက်ခိုက်နိုင်သည်အထိ ရက္ခိုင့်တပ်တော်စစ်သည်တော်များသတ္တိပြောင်မြောက်စွာဖြင့်အကောင်းဆုံးတိုက်ပွဲဝင်နိုင်ခဲ့သည်။ ဆောက်တည်ရာမရထွက်ပြေးနေသောရန်သူများထဲမှ နောက်ထပ်(၂၀) ဦးခန့်ကိုထပ်မံ၍ သုတ်သင်ရှင်းလင်းနိုင်ခဲ့သည်။
ယနေ့တိုက်ပွဲသည် မေလအတွင်းဖြစ်ပွားခဲ့သောတိုက်ပွဲများထဲတွင် အပြင်းထန်ဆုံးတိုက်ပွဲတစ်ပွဲဖြစ်သည့်အပြင် ရက္ခိုင့်တပ်တော် စနိုက်ပါသမားများလက်စွမ်းပြသောတိုက်ပွဲလည်းဖြစ်ခဲ့သည်။တပ်မ(၁၁) လက်အောက်ခံ၊ ခမရ(၂၁၄) နှင့် ခမရ (၂၁၈) တပ်ရင်းနှစ်ခုပေါင်း မှ အရာရှိများအပါအဝင်(၄၀) ကျော်အားသုတ်သင်ရှင်းလင်းနိုင်ခဲ့သည်။ ထို့အပြင်ရန်သူ့ဖက်မှဒဏ်ရာရသူအများအပြားထပ်မံ၍ရှိနိုင်သည်။
ရန်သူသည် စစ်ကူများကိုထပ်မံပို့ဆောင်နေသောကြောင့် မနက်ဖန်၌တိုက်ပွဲများဆက်လက်ဖြစ်ပွားဖွယ်ရှိနိုင်သည်။
ထူးချွန်ပြောင်မြောက်စွာ တိုက်ပွဲဝင်နိုင်ခဲ့သော ရက္ခိုင့်တပ်တော်၊စစ်သည်တော်များ၊ကွန်မန်ဒိုများ၊ စနိုက်ပါသမားများအား မှတ်တမ်းတင်ဂုဏ်ပြုအပ်ပါသည်။
သတင်းနှင့်ပြန်ကြားရေး
ရက္ခိုင့်တပ်တော်
Comentarios