My Items

​

ရက္ခိုင်ပြည်အတွင်း မိုးအဆက်မပြတ်ရွာသွန်းမှု၊ မြစ်ရေကြီးမှုနှင့်ပတ်သက်၍ အရေးပေါ် အကူအညီများ ချက်ချင်းလိုအပ်လျက်ရှိကြောင်း ထုတ်ပြန်ကြေညာချက်

Statement July 14, 2023 Today is the day which has been two months after since Cyclone Mocha has struck. On May 14, 2023, ULA formed Cyclone Mocha ERRCA committee with the aim of carrying out emergency and rescue activities in the townships across Rakhine where the cyclone has passed as its centre and devastated mostly. By utilising the human resources and financial ones both from our political, administrative, civilian and military departments of the organisation, and from the domestic and international communities, we are able to manage and perform the relief work successfully. Therefore, two months after the cyclone, more than 75 percent of the affected population is now re-sheltered and we are also in consistent efforts to shelter the rest as fast as possible. For our part, we are trying our best to restore the broken transportation, provide rice seeds and help farmers plant seasonal fruits, deliver health services, and support the basic foods, clothes and shelters for the urgent and disaster-affected people. In addition, conducting survey projects is on the way to get more concrete data about the damage and loss of the cyclone which in turn can help our relief and rehabilitation activities. The Cyclone Mocha ERRCA committee would like to deeply recognize and thank all those people and individuals who have helped the Mocha cyclone-affected people of Arakkha morally, physically and financially. At the same time, since there are still many emergency needs and rehabilitation activities to be completed, we would like to request further humanitarian assistance and cooperation in every possible way. In addition, the ERRCA would like to urge the businesspersons, traders, and shopkeepers of construction materials not to sell home-construction items, rice, oil and salt and other basic commodities and medicines at unreasonable prices but to do so at a fair price. Cyclone Mocha ERRCA Telegram: @HDCORelief Telegram: @CycloneMochaERRCA Mail: HDCO.ULA@outlook.com

ထုတ်ပြန်ချက် ၁၃၈၅ ခုနှစ်၊ ပထမဝါဆိုလပြည့်ကျော် (၁၂) ရက် ၂၀၂၃ ခုနှစ်၊ ဇူလိုင်လ (၁၄) ရက် ယနေ့သည် Mocha ဆိုင်ကလုန်းမုန်တိုင်း တိုက်ခတ်ခဲ့သော နှစ်လပြည့်နေ့ဖြစ်သည်။ ၂၀၂၃ ခုနှစ်၊ မေလ (၁၄) ရက်နေ့တွင် ရက္ခိုင်ပြည်၏ မြို့အများစုကို ဗဟိုပြုတိုက်ခတ်ခဲ့သော Mocha ဆိုင်ကလုန်းမုန်တိုင်း နောက်ဆက်တွဲများနှင့် အရေးပေါ်ကူညီကယ်ဆယ်ရေး၊ အရေးပေါ် ချက်ချင်းဆောင်ရွက်ရမည့် လုပ်ငန်းဆောင်တာများကိုဆောင်ရွက်ရန် ရက္ခိုင်အမျိုးသားအဖွဲ့ချုပ်မှ အရေးပေါ်ဖွဲ့စည်းလိုက်သည့် Cyclone Mocha ERRCA ကော်မတီအနေဖြင့် မိမိတို့ အဖွဲ့အစည်းတွင်ရှိသော နိုင်ငံရေး၊ အုပ်ချုပ်ရေး၊ အရပ်ဘက်၊ စစ်ဘက်ဆိုင်ရာဌာနများမှ လူ့အရင်းအမြစ်၊ ငွေကြေးများနှင့်အတူ ဆိုင်ကလုန်းမုန်တိုင်းဒဏ်သင့် ပြည်သူလူထုများအတွက် လူသားချင်းစာနာ ထောက်ထားသောစိတ်ဓာတ်ဖြင့် ပြည်တွင်း၊ ပြည်ပမှ ထည့်ဝင်လှူဒါန်းကြသော အလှူငွေကြေးများဖြင့် စနစ်တကျ စီမံခန့်ခွဲ ဆောင်ရွက်နိုင်ခဲ့ပါသည်။ ထို့ကြောင့် ဆိုင်ကလုန်းမုန်တိုင်းတိုက်ခတ်ပြီး နှစ်လတာကာလအတွင်း အမိုးအကာ အောက်သို့ ရောက်ရှိသွားသည့်ပမာဏမှာ ပျက်စီးဆုံးရှုံးမှုအားလုံး၏ (၇၅) ရာခိုင်နှုန်းအထက် အထိရှိခဲ့ပြီး အမိုးအကာအောက်သို့ မရောက်ရှိသေးသောသူများအားလုံး အမြန်ဆုံးရောက်ရှိ နိုင်ရန်အတွက်ကိုလည်း မရပ်မနား ဆက်လက်ကြိုးစား ဆောင်ရွက်လျက် ရှိပါသည်။ ထို့အပြင် ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို လုပ်ဆောင်ရာတွင် အထောက်အကူပြုစေရန်အတွက် ဆိုင်ကလုန်းမိုခါနှင့် ပတ်သက်သော ပျက်စီးဆုံးရှုံးမှုပမာဏ အချက်အလက်မှန်များ အမြန်ဆုံးရရှိအောင်ကောက်ခံခြင်း၊ အရေးပေါ်လိုအပ်လျက်ရှိသော မုန်တိုင်းဒဏ်သင့် ပြည်သူများ၏ စားဝတ်နေရေးများကို ချက်ချင်းဆောင်ရွက်ခြင်း၊ ကျန်းမာရေးစောင့်ရှောက်မှုလုပ်ငန်းများကို ကူညီဆောင်ရွက်ခြင်း၊ မိုးစပါး၊ သီးနှံများ အချိန်မီထွန်ယက်စိုက်ပျိုးနိုင်ရေး၊ လမ်းပန်းဆက်သွယ်ရေး အဆင်ပြေချောမွေ့စေရေးလုပ်ငန်းများကို ဆောင်ရွက်ခြင်းအပါအဝင် မိမိတို့ လုပ်ဆောင်၍ရသည့် အရာများကို အကောင်းဆုံးဆောင်ရွက်လျက် ရှိပါသည်။ Mocha ဆိုင်ကလုန်းမုန်တိုင်းဒဏ်သင့် အာရက္ခပြည်သူပြည်သားများအပေါ် စိတ်အား၊ လူအား၊ ငွေအားဖြင့် ကူညီပေးကြသောသူများအားလုံးကို Cyclone Mocha ERRCA ကော်မတီမှ လေးလေးနက်နက် မှတ်တမ်းတင် ဂုဏ်ပြုအပ်ပါသည်။ တစ်ပြိုင်နက်တည်းတွင် အရေးပေါ် လိုအပ်လျက်ရှိသော အကူအညီများနှင့်အတူ ပြန်လည်ထူထောင်ရေးလုပ်ငန်းများမှာ များစွာဆက်လက် ရှိနေသေး၍ မိဘပြည်သူများမှ လူသားချင်းစာနာထောက်ထားသော အကူအညီများကို တတ်နိုင်သည့်ဖက်မှ ကူညီပေးကြပါရန်ကိုလည်း ထပ်မံအကူအညီ တောင်းခံအပ် ပါသည်။ စီးပွားရေးလုပ်ငန်းရှင်များ၊ ဆောက်လုပ်ရေးလုပ်ငန်းသုံးပစ္စည်းများ၊ ကုန်စည်ကူးသန်း ရောင်းဝယ် ဖောက်ကားကြသောသူများအနေဖြင့် အိမ်ဆောက်ပစ္စည်းများ၊ ဆန်၊ ဆီ၊ ဆား အစရှိသော အခြေခံစားသုံးကုန်ပစ္စည်း၊ ဆေးဝါးများကို ဈေးနှုန်းအဆမတန်မြှင့်ကာ ရောင်းချခြင်းများကို မပြုလုပ်ကြပါရန်နှင့် သင့်တင့်သော စျေးနှုန်းများဖြင့် ရောင်းချကြပါရန် ကိုလည်း ကော်မတီမှ အထူးတိုက်တွန်းအပ်ပါသည်။ Cyclone Mocha ERRCA ကော်မတီ Telegram: @HDCORelief Telegram: @CycloneMochaERRCA Mail: HDCO.ULA@outlook.com

ရက္ခိုင့်တပ်တော်၊ အရာရှိ လေ့ကျင့်ရေးသင်တန်း အမှတ်စဉ် (၃) မှ လေ့ကျင့်ရေးသင်တန်းသူ/သင်တန်းသား များအား အရာရှိလောင်းအဖြစ် အသိအမှတ်ပြု အခမ်းအနားကို ရက္ခိုင်ပြည်တွင်ကျင်းပပြုလုပ်ပြီးစီး ၂၀၂၃ ခုနှစ်၊ ဇူလိုင်လ (၃) ရက် ရက္ခိုင့်တပ်တော် အရာရှိလေ့ကျင့်ရေးသင်တန်းကျောင်းအား (၉) နှစ်မြောက်၊ ရက္ခိုင့်တပ်တော်နေ့ဖြစ်သော ၂၀၁၈ ခုနှစ်၊ ဧပြီလ (၁၀) ရက်နေ့တွင် သင်တန်းသူ၊ သင်တန်းသား (၁၃၈) ဦးဖြင့် ကချင်ပြည်တွင် စတင် ဖွင့်လှစ်ခဲ့ပါသည်။ အနာဂတ်ရက္ခိုင့် တပ်တော်ကို ဦးဆောင်နိုင်မည့် စစ်သည်တော်ကောင်းများ ပေါ်ထွက်လာရေး၊ လက်ရုံးရည်၊ နှလုံးရည်ပြည့်ဝသော စစ်ဖက်ဆိုင်ရာ ခေါင်းဆောင်ကောင်းများ ပေါ်ထွက်လာရေး စသည့်ရည်မှန်းချက်များကို တပ်တော်တည်ထောင်ပြီးစကတည်းကပင် အစဉ်တစိုက်လုပ်ဆောင်လာခဲ့ပါသည်။ သို့သော်လည်း စစ်ရေး၊ နိုင်ငံရေး၊ ကပ်ရောဂါ အခြေအနေများကြောင့် မိမိတို့မျှော်မှန်းချက်ထားသော အနေအထားသို့ ပြည့်မီစွာ ရောက်ရှိနိုင်ခြင်း မရှိခဲ့သော်လည်း အရာရှိလောင်းများ ထွက်ပေါ်လာရေးကဏ္ဍကို အခွင့်ရလျှင်ရသလို တစိုက်မတ်မတ် ဆက်လက် ဆောင်ရွက်လျက်ရှိပါသည်။ ရက္ခိုင့်တပ်တော်၊ အရာရှိ လေ့ကျင့်ရေးသင်တန်း အမှတ်စဉ် (၃) အား ၂၀၂၂ ခုနှစ်၊ နိုဝင်ဘာလ (၁) ရက်နေ့ မှ စ၍ သင်တန်းသူ၊ သင်တန်းသား (၃၂၆) ယောက်ဖြင့် ရက္ခိုင်ပြည်တွင် စတင်ဖွင့်လှစ်ခဲ့ပြီး ၂၀၂၃ ခုနှစ်၊ ဇွန်လ (၁၉) ရက်နေ့တွင် အရာရှိလောင်းအဖြစ် အသိအမှတ်ပြုအခမ်းအနားကို ပြုလုပ်ခဲ့ခြင်းဖြစ်သည်။ ရက္ခိုင့်တပ်တော်၊ အရာရှိလောင်းလေ့ကျင့်ရေးသင်တန်း အမှတ်စဉ် (၁) နှင့် အမှတ်စဉ် (၂) တို့အား မဟာမိတ် ကချင်ပြည်တွင် လေ့ကျင့်ပြုလုပ်နိုင်ခဲ့ပြီး အမှတ်စဉ် (၃) အား ရက္ခိုင်ပြည်တွင် ဖွင့်လှစ်နိုင်ခဲ့ခြင်းဖြစ်သည်။ ထိုကြောင့် အမှတ်စဉ် (၃) သင်တန်းသည် ရက္ခိုင်ပြည်တွင် ပထမဆုံးပြုလုပ်သော အရာရှိလေ့ကျင့်ရေး သင်တန်း ဖြစ်သည်။ ရက္ခိုင့်တပ်တော်၊ အရာရှိဖြစ်သင်တန်း၊ အမှတ်စဉ် (၄) ကိုလည်း ၂၀၂၄ ခုနှစ်၊ နှစ်ဆန်းပိုင်းတွင် ဖွင့်လှစ်သွားရန် လျာတားထားပြီး ဖွင့်လှစ်မည့်အချိန်အား အာရက္ခပြည်သူ၊ ပြည်သားများအား အသိပေးသွားမည်ဖြစ်ပါသည်။ တိုင်းပြည်တာဝန် ထမ်းဆောင်လိုကြသောသူများ၊ အနာဂတ် ရက္ခိုင့်တပ်တော်တွင် တာဝန်ယူလိုကြသောသူများ လူငယ်၊ လူရွယ်များအနေဖြင့် နီးစပ်ရာ စစ်ဒေသများမှတစ်ဆင့် စုံစမ်းပြီး တိုင်းပြည်တည်ဆောက်ရေး၊ ကာကွယ်ရေး နှင့် တည်တံ့ရေးလုပ်ငန်းများတွင် ပါဝင်နိုင်ပါကြောင်း သတင်းထုတ်ပြန်အပ်ပါသည်။ သတင်းနှင့်ပြန်ကြားရေး ရက္ခိုင့်တပ်တော်

​

မြန်မာနိုင်ငံအမှန်တရားနှင့် တရားမျှတသောအမျိုးသားပါတီ(MNTJP) တည်ထောင်ခြင်း (၁၀) နှစ်ပြည့် နှစ်ပတ်လည်နေ့သို့ PSLF/TNLAနှင့် ULA/AA တို့မှ ပေးပို့သော ဂုဏ်ပြုသဝဏ်လွှာ

ကျေးဇူးတင်လွှာ (၅) ================ ၂၀၂၃ ခုနှစ်၊ မေလ (၁၄) ရက်နေ့တွင် ရက္ခိုင်ပြည်၊ စစ်တွေမြို့အပါအဝင် ပုဏ္ဏားကျွန်း၊ ရသေ့တောင်၊ ဘူးသီးတောင်၊ မြောက်ဦး၊ ကျောက်တော်၊ မင်းပြား၊ မြေပုံ၊ ပေါက်တော အစရှိသည့် မြို့နယ်များကို အဓိက ဦးတည်ကာ ရက္ခိုင်ပြည်၏ မြို့နယ်အများစုအား ဖြတ်သန်းတိုက်ခတ်သွားခဲ့သော MOCHA ဆိုင်ကလုန်းမုန်တိုင်းကြောင့် မုန်တိုင်းဒဏ်သင့် အာရက္ခဒေသနေ ပြည်သူလူထုများ၏ မုန်တိုင်းနောက်ဆက်တွဲ အရေးပေါ် ကူညီကယ်ဆယ်ရေးလုပ်ငန်းများကို အချိန်မီလုပ်ဆောင်နိုင်ရန်၊ အမိုးအကာအောက်သို့ အမြန်ဆုံးရောက်ရှိနိုင်ရန်၊ လတ်တလောစားဝတ်နေရေး၊ ကျန်းမာရေးနှင့် အထွေထွေလုပ်ငန်းများကို ချက်ချင်းဆောင်ရွက်နိုင်ရန်အတွက် Cyclone Mocha ERRCA မှ ရက္ခိုင်ပြည်တွင်းနှင့်ရက္ခိုင်ပြည်ပြင်ပတို့တွင် ဖွင့်လှစ်ထားသော ကော်မတီများမှတစ်ဆင့် လူသားချင်းစာနာထောက်ထားသောအားဖြင့် ကမ္ဘာအရပ်ရပ်မှ အလှူရှင်များက ထည့်ဝင်လှူဒါန်းလာကြသော အလှူငွေများကို Cyclone Mocha ERRCA မှ ကောင်းမွန်စွာ လက်ခံရရှိထားပြီးဖြစ်ပါသည်။ ယခုကဲ့သို့ လူသားချင်းစာနာထောက်ထားသောအားဖြင့် အလှူငွေထည့်ဝင်ကြသူများနှင့် တခြားတတ်နိုင်သည့် အကူအညီများဖြင့် ဝိုင်းဝန်းပံ့ပိုးကူညီကြသူများအားလုံးကို မုန်တိုင်းလေဘေးဒဏ်သင့် အာရက္ခပြည်သူလူထုများကိုယ်စား မိမိတို့ ကော်မတီမှ အထူးလှိုက်လှိုက်လှဲလှဲ ကျေးဇူးတင်ရှိပါသည်။ Cyclone Mocha ERRCA အနေဖြင့် လက်ခံရရှိသော အလှူငွေများကို မိုခါမုန်တိုင်းဒဏ်သင့် အာရက္ခပြည်သူများ၏ အမှန်တကယ်အရေးတကြီးလိုအပ်လျက်ရှိသော နေရာများတွင် ထိထိရောက်ရောက် အသုံးပြုလျက်ရှိပြီး မိမိတို့တွင်ရှိသော လူ့စွမ်းအား၊ ငွေအား စသည့် အရင်းအမြစ်များကို ရှိသမျှအားကုန်ထုတ်သုံး၍လည်း အာရက္ခပြည်သူလူထုတစ်ရပ်လုံးနှင့် လက်တွဲကာ အကောင်းဆုံး ကြိုးပမ်းဆောင်ရွက်လျက်ရှိပါသည်။ Cyclone Mocha ERRCA ၂၀၂၃ ခုနှစ်၊ ဇွန်လ (၁၄) ရက်

​

ကရင်နီပြည် ကြားကာလ အုပ်ချုပ်ရေးကောင်စီ (Interim Executive Council of Karenni State – IEC) ဖွဲ့ စည်းခြင်းအပေါ် ညီနောင်မဟာမိတ် (၃) ဖွဲ့မှ ပေးပို့သော ကြိုဆိုဂုဏ်ပြုသဝဏ်လွှာ

​

ဆိုင်ကလုန်း မိုခါ မုန်တိုင်းဒဏ်သင့် ပြည်သူများအတွက် ထည့်ဝင်သော အလှူငွေများအား လက်ခံခြင်း ဆိုင်ကလုန်းမိုခါ မုန်တိုင်းဒဏ်သင့် အာရက္ခ ပြည်သူပြည်သားများ၏ အရေးပေါ် ကူညီကယ်ဆယ်ရေးလုပ်ငန်းများအတွက် ပြည်ထောင်စု နိုင်ငံရေးဆွေးနွေးညှိနှိုင်းရေးကော်မတီ (FPNCC) မှ ထည့်ဝင်လှူဒါန်းသော မြန်မာငွေ ကျပ်သိန်း (၅၀၀၀) နှင့် “ဝ” ပြည်နယ်၊ ပြည်သူ့အစိုးရမှ ထည့်ဝင်လှူဒါန်းသော မြန်မာငွေ ကျပ်သိန်း (၅၀၀၀)၊ စုစုပေါင်း ကျပ်သိန်း (၁၀၀၀၀) (စာဖြင့်--သိန်းတစ်သောင်းကျပ် တိတိ) ကို MOCHA ဆိုင်ကလုန်း မုန်တိုင်းဒဏ်သင့် အာရက္ခအရေးပေါ် ကယ်ဆယ်ရေးနှင့် ပြန်လည်နေရာချထားရေးကော်မတီ-Cyclone Mocha Emergency Rescue and Rehabilitation Committee For Arakan (Cyclone Mocha ERRCA) မှ ၂၀၂၃ ခုနှစ်၊ ဇွန်လ (၁၀) ရက်၊ နံနက် (၉) နာရီ (၃၀) မိနစ်ခန့်အချိန်တွင် ကောင်းမွန်စွာ လက်ခံရရှိခဲ့ပါသည်။ အလှူငွေများကို “ဝ” ပြည်နယ်၊ ပြည်သူ့အစိုးရ ၊ ဒု-ဥက္ကဋ္ဌ နှင့် ပြင်ပဆက်ဆံရေးဌာန၊ ဌာနကြီးမှူး ဖြစ်သော ဦးကျောက်ကော်အန်းမှ FPNCC နှင့် “ဝ” ပြည်နယ်၊ ပြည်သူ့အစိုးရ ကိုယ်စားပေးအပ်ခဲ့ပြီး Cyclone Mocha ERRCA ကော်မတီ၊ ဥက္ကဋ္ဌ Dr.ညိုထွန်းအောင် နှင့် Humanitarian and Development Coordination Office (HDCO) အကြီးအကဲ ဦးထွန်းမင်းနိုင်တို့မှ “ဝ” ပြည်နယ်၊ ပန်ခမ်းမြို့တွင် လက်ခံရယူခဲ့ပါသည်။ လူသားချင်းစာနာထောက်ထားမှုဆိုင်ရာ အကူအညီအား ယခုကဲ့သို ပံ့ပိုးကူညီပေးသည့်အတွက် ပံ့ပိုးကူညီပေးကြသော အဖွဲ့အစည်းများနှင့် အားလုံးသောလူပုဂ္ဂိုလ်များကို မုန်တိုင်းဒဏ်သင့် အာရက္ခပြည်သူလူထုများ ကိုယ်စား မိမိတို့ကော်မတီမှ အထူးလှိက်လှိက်လှဲလှဲ ကျေးဇူးတင်ရှိပါသည်။