My Items

အာရက္ခဒေသ တိုက်ပွဲသတင်းထုတ်ပြန်ချက် ၂၀၂၄ ခုနှစ်၊ ဒီဇင်ဘာလ (၂၉) ရက် ၂၀၂၄ ခုနှစ်၊ ဒီဇင်ဘာလ (၁၅) ရက်နေ့မှ စတင်ပြီး ဂွအခြေစိုက်တပ်ရင်းနှစ်ရင်းဖြစ်ကြသော ခမရ (၅၆၂) နှင့် ခမရ (၅၆၃) တပ်ရင်းတို့အား အာရက္ခတပ်တော်မှ ထိုးစစ်ဆင်တိုက်ခိုက်ခဲ့ရာ ၂၀၂၄ ခုနှစ်၊ ဒီဇင်ဘာလ (၂၉) ရက်နေ့၊ မွန်းတည့် (၁၂) နာရီအချိန်တွင် အဆိုပါ ဂွအခြေစိုက်တပ်ရင်းနှစ်ရင်းစလုံးအား ရှေ့ဆင့် နောက်ဆင့် တစ်ရက်တည်း၌ သိမ်းပိုက်ရရှိခဲ့သည်။ သို့သော်လည်း မိမိတို့သည် ဂွအခြေစိုက်တပ်ရင်းများအပြင် ဂွမြို့သို့စစ်ကူလာသော- (၁) တပ်မ (၆၆) လက်အောက်ခံ၊ ခမရ (၄) တပ်ရင်း (၂) တပ်မ (၁၁) လက်အောက်ခံ တပ်ရင်းများဖြစ်ကြသော ခမရ (၂၁၄) တပ်ရင်း၊ ခမရ (၂၁၅) တပ်ရင်း နှင့် ခမရ (၂၁၇) တပ်ရင်း (၃) အနောက်တောင်တိုင်းစစ်ဌာနချုပ်-နတခ လက်အောက်ခံ ခလရ (၃၆) တပ်ရင်း၊ ခလရ (၃၈) တပ်ရင်း၊ ခလရ (၉၃) တပ်ရင်း၊ ခလရ (၂၇၁) တပ်ရင်းနှင့် ခမရ (၃၀၈) တပ်ရင်းတို့ကို တစ်ခုပြီးတစ်ခု မရပ်မနား ထိုးစစ်ဆင်တိုက်ခိုက်ခဲ့ရခြင်းဖြစ်သည်။ မိမိတို့ဖမ်းဆီးရမိသော စစ်သုံ့ပန်းများအား စစ်ဆေးချက်အရ တပ်မ (၁၁) တပ်မမှူး ဗိုလ်မှူးကြီး သန်းစိုးဝင်း ဦးဆောင်ပြီး  ဗျူဟာမှူး နှစ်ဦးဖြစ်သော ဗိုလ်မှူးကြီး မျိုးညွန့်ဦး နှင့် ဗိုလ်မှူးကြီး ကျော်ဇင်ထိုက် တို့ဖြင့် အာရက္ခတပ်တော်၏ ထိုးစစ်အား ပုံစံအမျိုးမျိုး၊ နည်လမ်းအသွယ်သွယ်၊ သံချပ်ကာပစ်ကူ၊ လေကြောင်း၊ ရေကြောင်းပစ်ကူတို့အပြင် သံချပ်ကာ (၁၀) စီး၊ စစ်ကူ အမြောက်အမြားတို့ဖြင့် အသည်းအသန် ခုခံကာကွယ်ခဲ့သော်လည်း နှစ်ပတ်ကြာ ထိုးစစ်အပြီးတွင် ဂွမြို့သည် အာရက္ခတပ်တော်၏ ၂၀၂၄ ခုနှစ်အတွင်း နောက်ဆုံးသိမ်းပိုက်ရရှိခဲ့သော အာရက္ခဒေသ၏ တောင်ဖက်အကျဆုံး မြို့ဖြစ်လာခဲ့သည်။ ဖက်ဆစ် အကြမ်းဖက် စစ်ကောင်စီသည် ဂွမြို့အား အင်အား (၁၂၀၀) ကျော်ဖြင့်ခုခံကာကွယ်ခဲ့သော်လည်း နောက်ဆုံးတွင် အာရက္ခတပ်တော်၏ ထိုးစစ်အား မည်သို့မျှ ယှဉ်မရဘဲ လက်လွှတ်ဆုံးရှုံးခဲ့ရခြင်းဖြစ်သည်။ တပ်မ (၂၂) တပ်မမှူး ဗိုလ်မှူးကြီး သန်းစိုးဝင်း အပါအဝင် တပ်ရင်းမှူးအချို့သေဆုံးခဲ့ပြီး အခြားအဆင့်အမြောက်အမြားသေဆုံးခဲ့သည်။ တိုက်ပွဲကြောင့်ပျက်စီးသွားသော သံချပ်ကာအချို့၊ စစ်အသုံးအဆောင်လက်နက်ခဲယမ်းများနှင့် ရန်သူသုံ့ပန်းအများအပြားကို ဖမ်းဆီးရမိခဲ့သည်။   ဂွမြို့ ထိုးစစ်အစမှ အဆုံးအထိ တိုက်ပွဲအတွင်း ခန့်မှန်း ရန်သူ (၇၀၀) ထက်မနည်း သေဆုံးနိုင်ကြောင်း မြေပြင်အလောင်းများ၊ ဖမ်းဆီးရမိသုံ့ပန်းများ၏ ထွက်ဆိုချက်၊ သိမ်းဆည်းရမိ စာရွက်စာတမ်းများအရ သိရှိရသည်။   ဂွမြို့သိမ်းတိုက်ပွဲအတွင်း သတ္တိပြောင်မြောက်စွာတိုက်ပွဲဝင်ခဲ့ကြသော အာရက္ခစစ်သည်တော်များ၊ အသက်၊ ခန္ဓာပေးဆပ်စွန့်လွှတ်ခဲ့ကြသော အာရက္ခစစ်သည်တော်များအား လေးနက်စွာမှတ်တမ်းတင် ဂုဏ်ပြုအပ်ပါသည်။ သတင်းနှင့်ပြန်ကြားရေး အာရက္ခတပ်တော်       ပုံစာ- ၂၀၂၄ ခုနှစ်၊ ဒီဇင်ဘာလ (၂၉) ရက်နေ့၊ မွန်းတည့် (၁၂) နာရီအချိန်တွင် ဂွမြို့အား အပြီးသတ်သိမ်းပိုက်ပြီးနောက် အာရက္ခစစ်သည်တော်များ၏ မှတ်တမ်းဓာတ်ပုံအချို့

No. (18/2024) December 29, 2024   The United League of Arakan/Arakan Army (ULA/AA) is a political organization engaged in an armed struggle for the national equality of all ethnic groups within the Arakan region and their liberation from the oppressive rulers, with the full support of the Arakan people. Our organization is actively working towards achieving freedom for the people of Arakan, united in their effort to free themselves from oppression.   The Arakan People's Revolutionary Government (APRG) welcomes and recognizes all foreign investments that will bring benefits to the Arakan region and assist in its development and progress. The government will take special care to ensure the security and safety of those involved in investment activities, projects, and businesses. In order to ensure the continued operation of foreign investments and projects, our organization will cooperate with the companies involved and also seeks mutually beneficial collaboration.   The Arakan Army's offensives, launched since the 13th of November, 2023, have primarily been aimed at fulfilling the aspirations of the Arakan peoples and achieving the liberation of all ethnic groups within the region. We firmly believe that our efforts also directly contribute to the liberation of the entire population of Myanmar. Furthermore, our organization will continue to stand firmly and steadfastly to ensure that the political aspirations of the entirety of Myanmar's oppressed population are realized in unison. We will also remain true brethren and friends to our ethnic brothers and sisters within Myanmar.   In recent years, under the active leadership of the People's Republic of China, our organization, along with the Kokang and Ta’ang groups, has vigorously collaborated in various sectors, including border stability between China and Myanmar, the eradication of violence, and the suppression of online gambling (Kyar Phyant). We worked tirelessly to reach the 'Haigeng Agreement’. Likewise, we always remain open to resolving the current internal issues through political means rather than military solutions.   United League of Arakan (ULA)     DISCLAIMER: The English version of this statement serves as a translation of the original Burmese text for informational purposes only. In case of any discrepancies, the Burmese original shall prevail.

အမှတ်၊ (၁၈/၂၀၂၄) ၁၃၈၆ ခုနှစ်၊ နတ်တော်လကွယ်နိ ၂၀၂၄ ခုနှစ်၊ ဒီဇင်ဘာလ (၂၉) ရက်

ရက္ခိုင်ပြည်၊ အမ်းမြို့နယ်၊ အကြမ်းဖက် ဖက်ဆစ် စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) အား အာရက္ခတပ်တော်မှ တိုက်ခိုက်သိမ်းပိုက်ခဲ့သည့် ရုပ်သံမှတ်တမ်း Video record of the Arakan Army capturing the fascist SAC's headquarters of Western Command (NaPaKha)   ၂၀၂၄ ခုနှစ်၊ ဒီဇင်ဘာလ (၂၆) ရက် December 26, 2024

အစ္စလာမ်မစ် အစွန်းရောက် စစ်သွေးကြွ လက်နက်ကိုင်တပ်ဖွဲ့တစ်ခုဖြစ်သော ARSA တပ်ဖွဲ့ဝင်များမှ ကြိမ်ချောင်းနှင့် တောင်ပြိုအကြားတွင် ခြုံခိုပစ်ခတ်တိုက်ခိုက်ခဲ့သောကြောင့် ကားပေါ်တွင်ပါလာသော စေတနာ့ဝန်ထမ်း အမျိုးသမီး၊ စျေးဝယ်အမျိုးသမီး စုစုပေါင်း (၁၆)ဦးထဲမှ တစ်ဦးသေဆုံးပြီး အများအပြား ဒဏ်ရာရရှိ   ၂၀၂၄ ခုနှစ်၊ ဒီဇင်ဘာလ (၂၆) ရက်   ၂၀၂၄ ခုနှစ်၊ ဒီဇင်ဘာလ (၂၄) ရက်နေ့၊ ညနေ (၄) နာရီ (၄၀) မိနစ်အချိန်တွင် အာရက္ခပြည်၊ မောင်တောမြို့၊ ကြိမ်ချောင်းမှ တောင်ပြိုသို့ ဈေးသွားဝယ်သော အရပ်ဘက် ခရီးသည်ကားတစ်စီးအား အင်အား (၂၅) ဦးခန့်ပါ ARSA တပ်ဖွဲ့ဝင်များမှ ခြုံခိုပစ်ခတ်တိုက်ခိုက်ခဲ့သောကြောင့် ကားပေါ်တွင်ပါလာသော စေတနာ့ဝန်ထမ်း အမျိုးသမီး၊ စျေးဝယ်အမျိုးသမီး စုစုပေါင်း (၁၆) ဦးထဲမှ တစ်ဦးသေဆုံးပြီး အများအပြား ဒဏ်ရာရရှိခဲ့သည်။ ဒဏ်ရာရရှိသောသူများကို မိမိတို့မှ ကျန်းမာရေးစောင့်ရှောက်မှုပေးလျက်ရှိသည်။   အရပ်ဘက် ပြည်သူလူထုများအား အကြမ်းဖက်တိုက်ခိုက်ခဲ့သော ARSA အကြမ်းဖက်အဖွဲ့အား အာရက္ခ လုံခြုံရေးတပ်ဖွဲ့ဝင်များမှ ဒုတိယနေ့အဖြစ် လိုက်လံရှာဖွေလျက်ရှိသည်။   သတင်းနှင့်ပြန်ကြားရေး အာရက္ခတပ်တော်

​

ရက္ခိုင်ပြည်၊ တောင်ကုတ်အခြေစိုက် အမှတ် (၅) စစ်ဆင်ရေးကွပ်ကဲမှုဌာနချုပ် (စကခ-၅) တပ်မဌာနချုပ်၊ ခမရ (၅၄၄)၊ ခမရ (၃၄၆) အပါအဝင် အကြမ်းဖက် ဖက်ဆစ် စစ်ကောင်စီ၏ တပ်စခန်းများအားလုံးကို ၂၀၂၄ ခုနှစ်၊ ဒီဇင်ဘာလ (၁၄) ရက်နေ့၊ ညနေ (၄) နာရီ (၁၀) မိနစ်အချိန်တွင် အာရက္ခတပ်တော်မှ အပြီးသတ် တိုက်ခိုက်သိမ်းပိုက်ပြီးနောက် အာရက္ခစစ်သည်တော်များအား ဌာနဆိုင်ရာတပ်စခန်းများရှေ့တွင် တွေ့ရစဉ်   #AAInfoDesk December 22, 2024

အာရက္ခဒေသ၊ ဂွ တိုက်ပွဲသတင်း   ၂၀၂၄ ခုနှစ်၊ ဒီဇင်ဘာလ (၂၁) ရက်   အာရက္ခဒေသအတွင်း၌  အကြမ်းဖက် ဖက်ဆစ် စစ်ရှုံး စစ်ကောင်စီနှင့် အာရက္ခတပ်တော်တို့ တစ်နှစ်ကျော်ကြာ ဖြစ်ပွားနေခဲ့ပြီး ယနေ့အချိန်ထိလည်း ဆက်လက်ဖြစ်ပွားနေသော တိုက်ပွဲများ၌ မည်သည့်တိုက်ပွဲတွင်မဆို အရှုံးများနှင့် ရင်ဆိုင်နေရပြီး စခန်းတစ်ခုပြီးတစ်ခု၊ မြို့များ တစ်မြို့ပြီးတစ်မြို့ လက်လွှတ် ဆုံးရှုံးနေရသော အကြမ်းဖက် ဖက်ဆစ် စစ်ရှုံး စစ်ကောင်စီသည် ဖက်ဆစ်စစ်တပ်တို့၏ လုပ်နေကျ ဝသီအကျင့်စရိုက်အတိုင်း စစ်ရေးပစ်မှတ်မဟုတ်သော ဆေးရုံများ၊ ဆေးခန်းများ၊ စာသင်ကျောင်းများ၊ ဘာသာရေးအဆောက်အအုံများ၊ စစ်ရှောင်စခန်းများ နှင့် အပြစ်မဲ့ပြည်သူများနေထိုင်ရာ ရပ်ရွာများကို လေယာဉ်များဖြင့် ဗုံးကြဲတိုက်ခိုက်ခြင်းတို့အပြင် ရပ်ရွာများကို မီးရှို့ခြင်း၊ တံတားများကို မိုင်းခွဲဖျက်ဆီးခြင်းတို့ကို နေ့စဉ်နေ့တိုင်းပြုလုပ်ကာ မထူးဇာတ်ခင်းလျက်ရှိကြသည်။ ဖက်ဆစ် စစ်ကောင်စီ၏ ဤကဲ့သို့သော လုပ်ရပ်များမှာ အာရက္ခဒေသတစ်ခုအတွင်း၌သာမက မြန်မာတစ်နိုင်ငံလုံးအနှံ့တွင် နေ့တိုင်းနီးပါး ပြုလုပ်နေသည့် လုပ်ရပ်များပင်ဖြစ်သည်။   အာရက္ခတပ်တော်မှ တစ်ပြိုင်နက်တည်း ထိုးစစ်ဆင်တိုက်ခိုက်ခဲ့သော မြို့လေးမြို့အနက် လက်ရှိအချိန်တွင် ဂွတစ်မြို့သာ ကျန်ရှိတော့ပြီဖြစ်သည်။ မိမိတို့၏ ဂွမြို့သိမ်းတိုက်ပွဲတွင်လည်း အကြမ်းဖက် ဖက်ဆစ် စစ်ရှုံး စစ်ကောင်စီတပ်ဖွဲ့ဝင်များ နေ့စဉ်နှင့်အမျှ အကျအဆုံးများကာ စခန်းများတစ်ခုပြီးတစ်ခု လက်လွှတ်ပေးနေရပြီးဖြစ်သည်။ အာရက္ခတပ်တော်တပ်ဖွဲ့ဝင်များမှလည်း ဂွ မြို့ သိမ်းတိုက်ပွဲအတွက် ထိုးစစ်များကို အရှိန်အဟုန်မြှင့် ဆက်လက်ဆောင်ရွက်လျက်ရှိသည်။   ရန်ကုန်တိုင်း၊ ဧရာဝတီတိုင်းအပါအဝင် နေရာအစုံမှ စစ်ကူတပ်များအား မည်သို့ပင် ဖြည့်တင်းနေစေကာမူ အတင်းအဓမ္မစုဆောင်းထားသော တပ်သားသစ်များဖြင့် ဖွဲ့စည်းထားသည့် စိတ်ဓာတ်ပျက်ပြားနေပြီး  ညွန့်ပေါင်း တပ်အစုအပေါင်းတစ်ခုကဲ့သို့ ဖြစ်နေသော အကြမ်းဖက် ဖက်ဆစ် စစ်ကောင်စီ တပ်ဖွဲ့ဝင်များ မှာ တိုက်တိုင်းရှုံးပြီး ကစဉ့်ကလျားထွက်ပြေးနေမှုများနှင့်အတူ ဂွမြို့သည်လည်း မကြာခင်ရက်များအတွင်း ကျိန်းသေ လက်လွှတ်ဆုံးရှုံးရတော့မည့် အာရက္ခဒေသ၏ တောင်ဖက်အကျဆုံး မြို့ဖြစ်သည်။   ထို့ကြောင့် အကြမ်းဖက် ဖက်ဆစ် စစ်ရှုံး စစ်ကောင်စီတပ်သည် ဂွမြို့ရှိ ကျေးရွာများ နှင့် လူနေအိမ်များကိုလည်း မီးရှို့ဖျက်ဆီးခြင်း၊ တံတားများအား မိုင်းခွဲဖျက်ဆီးခြင်းတို့ကို ဆက်တိုက် လုပ်ဆောင်ပြီး ဆုတ်ခွာထွက်ပြေးလျက်ရှိသည်။ ဧရာဝတီတိုင်းအတွင်းသို့ တစ်ဆင့်ချင်းတစ်ဆင့်ချင်း ဆုတ်ခွာထွက်ပြေးနေသော ရန်သူများကို မိမိတို့မှလည်း အဆက်မပြတ် လိုက်စစ်ဆင် တိုက်ခိုက်လျက် ရှိသောကြောင့် ဂွတိုက်ပွဲသည်လည်း နေ့စဉ်ရက်ဆက် ပြင်းထန်လျက်ရှိသည်။   ၂၀၂၄ ခုနှစ်၊ ဒီဇင်ဘာလ (၁၇/၁၈) ရက်နေ့များတွင် အကြမ်းဖက် ဖက်ဆစ် စစ်ကောင်စီတပ်မှ ဂွမြို့နယ်၊  "အလယ်ရွာ"ကိုလည်းကောင်း၊ ၂၀၂၄ ခုနှစ်၊ ဒီဇင်ဘာလ (၂၁) ရက်နေ့တွင်လည်း နံနက် (၇) နာရီအချိန်ခန့်မှ စတင်ကာ ၎င်းတို့အခြေစိုက်ရာ ခမရ (၅၆၃) အနီးအနားမှ လူနေအိမ်များကိုလည်းကောင်း မီးရှို့ဖျက်ဆီးခဲ့သည်။ စစ်ကောင်စီ၏ ဤကဲ့သို့ မီးရှို့ဖျက်ဆီးမှုများကြောင့် အပြစ်မဲ့ပြည်သူလူထု၏ နေအိမ်အများအပြားမှာ မီးလောင်ပျက်စီးခဲ့ရသည်။   အကြမ်းဖက် ဖက်ဆစ် စစ်ရှုံး စစ်ကောင်စီ၏ ယခုကဲ့သို့သော စစ်ရာဇဝတ်ကျူးလွန်နေမှုများကို အာရက္ခတပ်တော်အနေဖြင့် သေချာစွာ မှတ်တမ်းတင်ထားပြီး ကျူးလွန်ခဲ့သော တပ်ရင်း၊ တပ်မများ နှင့် အမိန့်ပေး၊ ညွှန်ကြားချက်ပေးသူများကို ဖမ်းဆီးရမိပါက ၎င်းပြစ်မှုများနှင့်ထိုက်တန်သော ပြစ်ဒဏ်များကို စီရင်ချမှတ်သွားမည်ဖြစ်သည်။   သတင်းနှင့်ပြန်ကြားရေး အာရက္ခတပ်တော်

ဘူးသီးတောင်မြို့၊ အမှတ် (၄) ရပ်ကွက် မီးလောင်မှုဖြစ်စဉ်နှင့်ပတ်သက်၍ သတင်းထုတ်ပြန်ချက်   ၂၀၂၄ ခုနှစ်၊ ဒီဇင်ဘာလ (၂၁) ရက်   ၂၀၂၄ ခုနှစ်၊ ဒီဇင်ဘာလ (၂၀) ရက်နေ့၊ ညနေ  (၄) နာရီ  (၂၇) မိနစ်ခန့်အချိန်တွင် ဘူးသီးတောင်မြို့၊ အမှတ် (၄) ရပ်ကွက်ရှိ အာလီဂျူဟ၏ နေအိမ်၌ မီးစတင်လောင်ကျွမ်းခဲ့ပြီး ယင်းမှတစ်ဆင့် အနီးဝန်းကျင်ရှိ လူနေအိမ်တချို့သို့ မီးကူးစက်ခဲ့သောဖြစ်စဉ်တစ်ခုရှိခဲ့ပါသည်။   အဆိုပါ မီးလောင်မှုဖြစ်စဉ်အတွင်း ဘူးသီးတောင်မြို့၊ အမှတ် (၄) ရပ်ကွက်မှ- ၁။ အာလီဂျူဟ ၏ နေအိမ်၊ ၂။ လာလာမော်ဒီလ် ၏ နေအိမ်၊ ၃။ အီနုစ် ၏ နေအိမ်၊ ၄။ အဒူရှော်ရှိ ၏ နေအိမ်၊ ၅။ ဒေါ်လူ ၏ နေအိမ်၊ ၆။ ဆော်လိုမာနီ၏ နေအိမ်၊ ၇။ အီနုစ် ၏ နေအိမ်၊ ၈။ ကာဘူ ၏ နေအိမ်၊ ၉။ ဆိုက်ထူရော်မန် ၏ နေအိမ် ၁၀။ ရော်ဖိတ် ၏ နေအိမ်၊ ၁၁။ ရော်မန် ၏ နေအိမ်၊ ၁၂။ အဒူလာဇီ ၏ နေအိမ်၊ ၁၃။ ဖိရုစ် ၏ နေအိမ်၊ ၁၄။ အဒူလ္လာ ၏ နေအိမ်၊ ၁၅။ တာကေရ်၏ နေအိမ်၊ ၁၆။ မစောခင် ၏ နေအိမ်၊ ၁၇။ ဆော်လိမ် ၏ နေအိမ်၊ ၁၈။ ဆွေတာမိန်၏ နေအိမ်၊ ၁၉။ ဆုလ်တန် ၏ နေအိမ်၊ ၂၀။ ဆော်ဒူဇာဟာဆောင်း၏ နေအိမ်၊ ၂၁။ မာမောက် ၏ နေအိမ်၊ ၂၂။ အဘူနော်ဆောင်း၏ နေအိမ်၊ ၂၃။ အာဘူဖွေယော့၏သား ဇူဟာရ်ရူး၏ နေအိမ်၊ ၂၄။ မလှစိန် ၏ နေအိမ် ၂၅။ ဟာဘီရော်မာန်၏ နေအိမ်၊ ၂၆။ အမည် (စုံစမ်းဆဲ) တို့၏ နေအိမ်များ မှာ မီးကူးစက်လောင်ကျွမ်းသွားခဲ့သည်။ စုစုပေါင်း (၂၆) အိမ်ခန့် မီးလောင်ကျွမ်းခဲ့ပါသည်။   မိမိတို့ ရက္ခိုင်အမျိုးသားအဖွဲ့ချုပ်/အာရက္ခတပ်တော် ( ULA/AA) တပ်ဖွဲ့ဝင်များသည် ဒေသခံပြည်သူ လူထုနှင့် ပူးပေါင်း၍ ဝိုင်းဝန်းမီးငြိမ်းသတ်ခဲ့မှုကြောင့် ယင်းနေ့ ညနေ (၆) နာရီခန့်၌ပင် မီးငြိမ်းသွားပြီး ဖြစ်ပါသည်။   ၎င်းမီးလောင်မှုဖြစ်စဉ်နှင့်ပတ်သက်၍ ရက္ခိုင်ပြည်သူ့အာဏာပိုင်အဖွဲ့မှ စုံစမ်းစစ်ဆေးလျက်ရှိပါကြောင်း နှင့် နောက်ဆက်တွဲသတင်းများရရှိပါက ထပ်မံအသိပေးထုတ်ပြန်သွားပါမည်။   သတင်းနှင့်ပြန်ကြားရေး အာရက္ခတပ်တော်

၂၀၂၄ ခုနှစ်၊ ဒီဇင်ဘာလ (၂၀) ရက်   အာရက္ခဒေသ အမ်းမြို့နယ်၊ အနောက်ပိုင်းတိုင်းစစ်ဌာနချုပ်၏ နောက်ဆုံးတစ်ခုတည်းသာ ကျန်ရှိတော့သည့် နပခ ဌာနချုပ် တိုင်းစစ်ရုံးအတွင်းမှ လက်ကျန်နေရာအားလုံးကို ထိုးစစ်ဆင်တိုက်ခိုက်နေခဲ့သည်မှာ နှစ်ပတ်ခန့် ကြာမြင့်ခဲ့ပြီဖြစ်သည်။ မိမိတို့ အာရက္ခတပ်တော်အနေဖြင့်လည်း ရန်သူ၏ မရပ်မနားသော လေကြောင်း၊ လက်နက်ကြီးပစ်ကူများအပြင် ရဟတ်ယာဉ်များဖြင့် လေကြောင်းမှ စုစုပေါင်းအင်အား (၁၅၀) ခန့်စီအား သုံးကြိမ်တိုင်တိုင် စစ်ကူလာချပေးနေသည့်ကြားမှ နပခဌာနချုပ် (အမ်း) အား ၂၀၂၄ ခုနှစ်၊ ဒီဇင်ဘာလ (၂၀) ရက်နေ့၊ မွန်းတည့် (၁) နာရီ (၄၀) မိနစ်တွင် အာရက္ခတပ်တော်မှ အပြီးသတ်သိမ်းပိုက် နိုင်ခဲ့ပြီဖြစ်သည်။   ထို့ကြောင့် အမ်းမြို့နယ်တစ်ခုလုံးအား ယနေ့တွင် အလုံးစုံ သိမ်းပိုက်ထိန်းချုပ်နိုင်ခဲ့ပြီ ဖြစ်သောကြောင့် အမ်းမြို့သည် အာရက္ခပြည်သူ့တော်လှန်ရေးအစိုးရမှ အပြည့်အဝ အလုံးစုံထိန်းချုပ်ထားနိုင်သော (၁၄) မြို့မြောက် မြို့ဖြစ်လာခဲ့ပြီဖြစ်သည်။   ယခင်သိမ်းပိုက်ထားသော (၁၃) မြို့မှာ ပလက်ဝမြို့၊ ပေါက်တောမြို့၊ မင်းပြားမြို့၊ မြောက်ဦးမြို့၊ ကျောက်တော်မြို့၊ မြေပုံမြို့၊ ပုဏ္ဏားကျွန်းမြို့၊ ရမ်းဗြဲမြို့၊ ရသေ့တောင်မြို့၊ ဘူးသီးတောင်မြို့၊ သံတွဲမြို့၊ တောင်ကုတ်မြို့ နှင့် မောင်တောမြို့တို့ ဖြစ်ကြသည်။   လက်ရှိအချိန်၌လည်း ဂွမြို့နယ်အတွင်းရှိ ရန်သူများအား အာရက္ခတပ်တော်မှ ဆက်လက်ထိုးစစ်ဆင် တိုက်ခိုက်လျက်ရှိပြီး ဂွမြို့၏ ဒေသခံတပ်ရင်းများနှင့် စစ်ကူလာသော ရန်သူ၏ တပ်မ (၁၁) လက်အောက်ခံ တပ်ရင်းများ၊ အခြားသော တပ်ရင်းပေါင်း များစွာတို့ဖြင့် ပြင်းထန်စွာ ဖြစ်ပွားလျက်ရှိသည်။ ဂွမြို့၏ သုံးပုံနှစ်ပုံခန့်ကိုလည်း မိမိတို့မှ သိမ်းပိုက်ရရှိထားပြီးဖြစ်သည်။   ထို့ကြောင့် ဂွမြို့အား အပြီးသတ်သိမ်းပိုက်ပြီးပါက အာရက္ခဒေသအတွင်း၌ မိမိတို့ဆက်လက်သိမ်းပိုက်ရန် စစ်တွေ၊ ကျောက်ဖြူ နှင့် မာန်အောင် (၃) မြို့သာ ကျန်ရှိတော့မည်ဖြစ်သည်။   ယခုလိုအောင်မြင်မှုအသီးအပွင့်များမှာ ရက္ခိုင်အမျိုးသားအဖွဲ့ချုပ်/အာရက္ခတပ်တော် တစ်ခုတည်း၏ ကြိုးပမ်းမှုတစ်ခုတည်းသာမဟုတ်ဘဲ အာရက္ခပြည်သူတစ်ရပ်လုံး၏ ဝန်းရံပံ့ပိုးမှု၊  မဟာမိတ်အဖွဲ့အစည်း များ၏ ပူးပေါင်းပါဝင်မှုများနှင့် အမည်ဖော်ပြ၍မရသေးသော မိတ်ဆွေတစ်ချို့တို့၏ ဝန်းရံပံ့ပိုးမှုများကြောင့် ဖြစ်သည်ကို အမြဲနှလုံးသွင်းမှတ်ယူထားပြီး သက်ဆိုင်သော အဖွဲ့အစည်းတိုင်းနှင့် လူပုဂ္ဂိုလ်တိုင်းကို အလေးအနက် အထူးကျေးဇူးတင်အပ်ပါသည်။   စစ်မြေပြင်အောင်မြင်မှုများ၏ အခြားတစ်ဖက်တွင် ရဲဘော်ရဲဘက်များ၏ အသက်၊ ကိုယ်လက်ခန္ဓာ၊ ဘဝတို့ ပေးဆပ်စွန့်လွှတ် အနစ်နာခံမှု၊ အာရက္ခဒေသအတွင်းနေထိုင်ကြသော ဒေသခံပြည်သူလူထုတစ်ရပ်လုံး၏ ဆင်းရဲဒုက္ခအမျိုးမျိုးကို နှစ်ရှည်လများ အတူတူရင်ဆိုင် ခါးစည်းခံရပ်တည်မှုများကလည်း များစွာ အထောက်အကူပြုခဲ့သောကြောင့် ဤအောင်မြင်မှုအသီးအပွင့်နှင့် ဆက်စပ်ပတ်သက်နေသော သူများအားလုံးကို ရက္ခိုင်အမျိုးသားအဖွဲ့ချုပ်/အာရက္ခတပ်တော်မှ အထူးအလေးနက်ထား မှတ်တမ်းတင် ဂုဏ်ပြုအပ်ပါသည်။   ယနေ့အောင်မြင်မှုများမှာ ရက္ခိုင်ပြည်သူတစ်ရပ်လုံး၏ အောင်မြင်မှုသာမဟုတ်ဘဲ ဖက်ဆစ်အကြမ်းဖက်စစ်ကောင်စီအား တော်လှန်နေကြသော တော်လှန်ရေးအဖွဲ့အစည်းများ တော်လှန်သော ပြည်သူတစ်ရပ်လုံး၏ အောင်မြင်မှုအဖြစ် မျှဝေဂုဏ်ပြုအပ်ပါသည်။   သတင်းနှင့်ပြန်ကြားရေး အာရက္ခတပ်တော်

၂၀၂၄ ခုနှစ်၊ ဒီဇင်ဘာလ(၁၈)ရက်နေ့တွင် အမ်း၊ အနောက်ပိုင်းတိုင်းစစ်ဌာနချုပ်(နပခ)မှ လက်နက်ချ အလင်းဝင်လာသော ရန်သူများအား လက်နက်ကြီးနှင့်လေကြောင်းတိုက်ခိုက်မှုများကြားမှ အာရက္ခတပ်တော် ကယ်ထုတ်နေသည့် မြင်ကွင်းများ   #AAInfoDesk December 19, 2024

အာရက္ခဒေသတိုက်ပွဲသတင်းများ   ၂၀၂၄ ခုနှစ်၊ ဒီဇင်ဘာလ (၁၈) ရက်   အာရက္ခတပ်တော်သည် မောင်တောမြို့ နှင့် တောင်ကုတ်မြို့ရှိ ဖက်ဆစ် အကြမ်းဖက် စစ်ကောင်စီ၏ တပ်စခန်းများအားလုံးကို တစ်ခုမကျန်သိမ်းပိုက်လိုက်ပြီးသည့်နောက်တွင် အမ်းမြို့ နှင့် ဂွမြို့ရှိ ရန်သူ့စခန်းများကို တရစပ် ထိုးစစ်ဆင်တိုက်ခိုက်လျက်ရှိသည်။   အနောက်ပိုင်းတိုင်းစစ်ဌာနချုပ်ရှိရာ အမ်းဒေသအတွင်းရှိ စစ်ကောင်စီ၏ စခန်းများအားလုံးထဲမှ အမ်း နပခဌာနချုပ်၊ တိုင်းစစ်ဌာနချုပ်ဂွင် (တိုင်းစစ်ရုံး)ထဲမှ အနည်းငယ်သော နေရာအချို့သာ ကျန်ရှိတော့ပြီ ဖြစ်သည်။ ဤတိုင်းစစ်ရုံးထဲမှ အင်အား ရာချီခန့်ရှိသေးသော ရန်သူတို့သည် မိမိတို့၏ ထိုးစစ်ကို အသည်းအသန် ခုခံကာကွယ်နေရသည်။ ထို့အပြင် ရန်သူသည် ရခိုင်ရိုးမတောင်တန်းထက်မှ လက်နက်ကြီးများဖြင့် တိုက်ပွဲရှိရာနေရာများသို့ အဆက်မပြတ် ပစ်ခတ်တိုက်ခိုက်နေခဲ့သည်။ ဤကဲ့သို့ လက်နက်ကြီးပစ်ကူများကြောင့် တိုင်းစစ်ရုံးအတွင်းရှိ ဖက်ဆစ်အကြမ်းဖက်စစ်ကောင်စီ၏ တပ်ဖွဲ့ဝင်များထံ ထိမှန်ကျရောက်၍ သေဆုံး၊ ဒဏ်ရာရရှိမှုများရှိခဲ့သည်။   ထို့အတူ လေကြောင်းမှလည်း မရပ်မနား တောက်လျှောက် ပစ်ခတ်တိုက်ခိုက်နေသောကြောင့် အမ်း၊ နပခ ၌ မြေပြင်တိုက်ပွဲထက် ရန်သူ့ လက်နက်ကြီး၊ လေကြောင်းပစ်ခတ်တိုက်ခိုက်မှုများကြောင့် တိုက်ပွဲမှာ ပြင်းထန်နေရခြင်းဖြစ်သည်။   အခြားတစ်ဖက်တွင် ယနေ့၌လည်း အမ်း၊ အနောက်ပိုင်းတိုင်းစစ်ဌာနချုပ် (နပခ) ဝန်းကျင်တွင် လက်နက်ချ အလင်းဝင်ရောက်သူများ ဆက်လက်ရှိနေဆဲဖြစ်ပါသည်။ ထို့ကြောင့်   “စောစော အလံဖြူထောင်လျှင် စောစော အသက်ရှင်ကျန်ရစ်စေမယ် မိသားစု၊ ဆွေမျိုးတို့နှင့် စောစော တွေ့ဆုံရလိမ့်မယ်”   လက်နက်ချ အညံ့ခံ အလံဖြူထောင်သောသူတိုင်း၏ အသက်ကို အာရက္ခတပ်တော်မှ အာမခံပါသည်။   ဂွမြို့တွင်းတိုက်ပွဲသည်လည်း ယခင်ရက်များနည်းတူ ဆက်လက်ပြင်းထန်လျက်ရှိသည်။ ယနေ့တွင်လည်း ဂွမြို့တွင်းတိုက်ပွဲအတွင်းမှ ရန်သူ့အလောင်း၊ လက်နက်ခဲယမ်း အမြောက်အမြားတို့ကို ထပ်မံသိမ်းဆည်းရမိ ခဲ့သည်။   သတင်းနှင့်ပြန်ကြားရေး အာရက္ခတပ်တော်