၂၀၂၀ ခုနှစ်၊ ဇန်နဝါရီလ(၇) ရက်၊ ရခိုင်ပြည်တိုက်ပွဲသတင်းများ

ဇန်နဝါရီလ(၇) ရက်နေ့တွင် မင်းပြား၊ ပလက်ဝ၊နှင့် အမ်းမြို့နယ်များ၌တိုက်ပွဲများရှိခဲ့ပြီး မင်းပြားမြို့နယ်အတွင်းတိုက်ပွဲသည် ပြင်းထန်ခဲ့သည်။

(၁) မင်းပြားမြို့နယ်၊ ဖားပြို(ချင်း) ရွာအရှေ့မြောက်ဖက်(၁.၁)ကီလိုမီတာအကွာအဝေးရှိကားလမ်းမပေါ်နေ့လည်(၁) နာရီခန့်မှ တိုက်ပွဲဖြစ်ပွားခဲ့ပြီး ညနေ(၃) နာရီ(၃၀) မိနစ်အထိ နှစ်ဖက်အပြန်အလှန်ပစ်ခတ်တိုက်ခိုက်မှုများရှိနေသေးသည်။ ရန်သူသည်အင်အားအလုံးအရင်းဖြင့် မိမိတို့အားလာရောက်တိုက်ခိုက်သည့်ကြားထဲမှ လက်နက်ခဲယမ်းအပြည့်ပါသောရန်သူ့စစ်ကား(၂) စီးအားပျက်စီးအောင်ပြုလုပ်နိုင်ခဲ့သည်။ ရန်သူ့ထိုးစစ်အားအကောင်းဆုံးဟန့်တားတိုက်ခိုက်နိုင်ခဲ့သည်။

(၂) အမ်းမြို့နယ်၊ "ကမ်းခြေရွာသစ်" နှင့်"ပြင်ဝန်းရွာ" အကြားတွင်လည်း ရန်သူသည်မိမိတို့ရှိရာနေရာသို့ကျူးကျော်ဝင်ရောက်လာသောကြောင့်တိုက်ပွဲဖြစ်ပွားခဲ့သည်။

(၃) လွန်ခဲ့သောရက်သတ္တပတ်များအတွင်းတိုက်ပွဲဖြစ်ပွားခဲ့သောပလက်ဝမြို့နယ်၊အတွင်းရှိ BP-71 အနောက်မြောက်ဖက်(၁.၄) ကီလိုမီတာအကွာအဝေးရှိ ပွိုင့်-၈၂၅ ကုန်း Point-825 ကုန်းပတ်ဝန်းကျင်၌ကြိုကြားကြိုကြားပစ်ခတ်တိုက်ခိုက်မှုမိနစ်အနည်းငယ်ရှိခဲ့သည်။ ရန်သူတစ်ဦး(မျက်မြင်) အားသုတ်သင်ရှင်းလင်းနိုင်ခဲ့သည်။

တိုက်ပွဲများအတွင်းသတ္တိပြောင်မြောက်စွာတိုက်ပွဲဝင်ခဲ့သောအာရက္ခစစ်သည်တော်များအားဂုဏ်ပြုမှတ်တမ်းတင်အပ်ပါသည်။

သတင်းနှင့်ပြန်ကြားရေး

ရက္ခိုင့်တပ်တော်