၂၀၁၉ ခုနှစ်၊ နိုဝင်ဘာလ(၂၆) ရက် ရခိုင်ပြည်တိုက်ပွဲသတင်း

၂၀၁၉ ခုနှစ်၊ နိုဝင်ဘာလ(၂၆) ရက်နေ့တွင် မြောက်ဦးမြို့နယ်၊"ကျောင်းတောင်ရွာ"မြောက်ဖက်(၁) ကီလိုမီတာခန့်အကွာအဝေးရှိ Point-122/ ပွိုင့် (၁၂၂) တောင်ကုန်းရှိမိမိတို့ရှိရာနေရာသို့နယ်ချဲ့ မြန်မာ့တပ်မတော် ( Myanmar Army)မှ ကျူးကျော်ဝင်ရောက်လာသောကြောင့်နေ့လည်(၁) နာရီ(၅၀) မိနစ်မှ စတင်၍တိုက်ပွဲဖြစ်ပွားခဲ့သည်။ နာရီဝက်ခန့်အပြန်အလှန်ပစ်ခတ်တိုက်ခိုက်ပြီးနောက် ရန်သူသည်နောက်ဆုတ်သွား၍အဝေးမှလက်နက်ကြီးများဖြင့်သာပစ်ခတ်တိုက်ခိုက်နေခဲ့သည်။ အထိအခိုက်အကျအဆုံးကိုမသိရသေးပါ။

ပုဏ္ဏားကျွန်းမြို့နယ်၊ "ကြက်ချေးရွာ" အနောက်မြောက်ဖက်(၁.၈) ကီလိုမီတာအကွာအဝေးရှိမိမိတို့လှုပ်ရှားစစ်ကြောင်းတစ်ခုအားနယ်ချဲ့ ကျူးကျော်သူမြန်မာ့တပ်မတော်၏ အင်အား(၁၈၀) ခန့်ပါစစ်ကြောင်းတစ်ခုသည် "ကန်ဇောက်၊ရသေ့တောင် အခြေစိုက်တပ်ရင်းများ-ရေစိုးချောင်းဗျူဟာ" အပါအဝင် နေရာ(၃) နေရာမှ လက်နက်ကြီးပစ်ကူများစုပြုံပစ်ခတ်၍လည်းကောင်း၊ နိုဝင်ဘာလ(၁၆/၂၅) ရက်များတွင်ရဟတ်ယာဉ်(၂) စီးအပါအဝင် မြေပြင်၊ဝေဟင်မှထိုးစစ်ဆင်တိုက်ခိုက်၍ လည်းကောင်း ကြီးမားသောထိုးစစ်ဆင်တိုက်ခိုက်မှုကို နိုဝင်ဘာလ(၁၁) ရက်နေ့မှစတင်ပြုလုပ်ခဲ့သောကြောင့်ယနေ့ဆိုလျှင် ရက်သတ္တပတ်(၂) ပတ်အထိရှိလာခဲ့ပြီဖြစ်သည်။

မိမိတို့အာရက္ခစစ်သည်တော်များအနေဖြင့်လည်း မြန်မာ့တပ်မတော် ထိုးစစ်ဆင်တိုက်ခိုက်နေမှုများကို သတ္တိပြောင်မြောက်စွာဖြင့်အကောင်းဆုံးဟန့်တားတိုက်ခိုက်နိုင်ခဲ့သည်။ ရန်သူ့ဖက်မှလည်းထိခိုက်ကျဆုံးသူအရေအတွက်ဆက်လက်ရှိနေဆဲဖြစ်သည်။

နိုဝင်ဘာ(၂၅/၂၆) ရက်များတွင် ရန်သူသည်တပ်လန်ပြီးရှေ့ဆက်မတိုးနိုင်သောကြောင့် အဝေးမှလက်နက်ကြီး/လက်နက်ငယ်အပြန်အလှန်ပစ်ခတ်တိုက်ခိုက်မှုများနှင့်အတူ Sniper သမားများနှလုံးရည်ယှဉ်ပြိုင်ကြသောနေ့ရက်များဖြစ်ခဲ့သည်။ မိမိတို့ Sniper သမားမှ နိုဝင်ဘာလ (၂၅/၂၆) နှစ်ရက်တာကာလအတွင်း ရန်သူ(၅) ဦးအားသုတ်သင်ရှင်းလင်းနိုင်ခဲ့ပြီး ယနေ့၌ ရန်သူ၏ Sniper သမားအား ရက္ခိုင့်တပ်တော် Sniper သမားမှထိမှန်အောင်ပစ်ခတ်နိုင်ခဲ့သည်။

အခြားနောက်ဆက်တွဲတိုက်ပွဲသတင်း နှင့် ယနေ့၏အခြားတိုက်ပွဲများရှိပါက ဆက်လက်တင်ပေးသွားပါမည်။

သတင်းနှင့်ပြန်ကြားရေး ရက္ခိုင့်တပ်တော်