၂၀၁၉ ခုနှစ် ဒီဇင်ဘာလ (၃/၄)ရက်၊ ရခိုင်ပြည်တိုက်ပွဲသတင်းများ

၂၀၁၉ ခုနှစ်၊ ဒီဇင်ဘာလ(၃) ရက်၊နံနက်(၁၀) နာရီ (၂၀) မိနစ်တွင် မြေပုံမြို့နယ်၊ မီးကျောင်းတက်ရွာ နှင့် တောင်ကြီး-တောင်ချေရွာ အကြား(တနည်းအားဖြင့်) ရန်ကုန်-စစ်တွေကားလမ်းမပေါ်တွင် မြန်မာ့တပ်မတော်၏ အင်အား(၁၀၀) ခန့်ပါစစ်ကြောင်းတစ်ခုနှင့် ရက္ခိုင့်တပ်တော်တို့ မိနစ်အနည်းငယ်ကြာထိတွေ့မှုဖြစ်ပွားခဲ့သည်။ အထိအခိုက် အကျအဆုံးများကို မသိရသေးပါ။

၂၀၁၉ ခုနှစ် ဒီဇင်ဘာလ (၄)ရက်နေ့၊ နံနက်(၀၀) နာရီ(၂၅) မိနစ်(ညဉ့်သန်းခေါင်)

တွင် ဘူးသီးတောင်မြို့နယ်၊ "သရက်ပြင်ရွာ"တံတားအနီးရှိ မြန်မာ့တပ်မတော်၏ တပ်မ(၂၂)လက်အောက်ခံ၊ ခမရ(၂၀၃)တပ်ရင်း နှင့် ရက္ခိုင့်တပ်တော်တို့ နာရီဝက်ခန့်အပြန်အလှန်ပစ်ခတ်တိုက်ခိုက်ခဲ့ကြသည်။

၂၀၁၉ ခုနှစ်၊ ဒီဇင်ဘာလ(၃/၄) ရက်နေ့ရက်များတွင် ယခင်နေ့ရက်များ၌ မြန်မာ့တပ်မတော်မှ မိမိတို့အား အပြင်းအထန်ထိုးစစ်ဆင်တိုက်ခိုက်နေဆဲဖြစ်သော ပုဏ္ဏားကျွန်းမြို့နယ်၊ "ကြက်ချေးရွာ" အနောက်မြောက်ဖက်(၁.၈) ကီလိုမီတာအကွာအဝေးရှိတောင်တန်းပေါ်တွင် ကြိုကြားကြိုကြားအပြန်အလှန်ပစ်ခတ်တိုက်ခိုက်မှုများရှိခဲ့သည်။

(အခြားတိုက်ပွဲများရှိပါက ဆက်လက်တင်ပေးသွားပါမည်)

သတင်းနှင့်ပြန်ကြားရေး ရက္ခိုင့်တပ်တော်