top of page

၂၀၁၉ ခုနှစ်၊ ဒီဇင်ဘာလ(၁၁) ရက်၊ ရခိုင်ပြည်တိုက်ပွဲသတင်းများ




ဒီဇင်ဘာလ(၁၁) ရက်နေ့တွင် မင်းပြား၊ မြေပုံ၊ မြောက်ဦးမြို့နယ်တို့တွင်တိုက်ပွဲများတောက်လျှောက်ဖြစ်ပွားခဲ့သည်။

(၁) ဒီဇင်ဘာလ(၁၁) ရက်၊ နံနက်(၆) နာရီခန့်မှစတင်ပြီး နံနက်(၉) နာရီ(၃၀) မိနစ်ခန့်အထိမင်းပြားမြို့နယ်၊ "ဖားပြိုရွာ" အနီးရှိ ရန်သူ့စခန်းကုန်းတစ်ခုအား စစ်ရေးအခြေအနေလိုအပ်ချက် အရ ရက္ခိုင့်တပ်တော်မှ ထိုးစစ်ဆင်တိုက်ခိုက်ခဲ့သည်။

(၂) ဒီဇင်ဘာလ(၁၁) ရက်၊ နံနက်(၆) နာရီ(၁၈) မိနစ်တွင်လည်း မင်းပြားမြို့နယ်၊ သလူချောင်းရွာ အရှေ့မြောက်ဖက်၊ "မင်းဖူးတောင်" တန်းရှိ ရန်သူ့အထိုင်စခန်းတစ်ခုကိုလည်းထပ်မံထိုးစစ်ဆင်တိုက်ခိုက်ခဲ့သည်။ ရန်သူသည် ရဟတ် ယာဉ်(၂) စီး ၊ တိုက်ဂျက်လေယာဉ်(၁) စီးတို့ဖြင့် နံနက်(၈) နာရီ (၃၀) မိနစ်မှစတင်ပြီး ညနေ(၈) နာရီကျော်သည့်အချိန်အထိမရပ်မနားတစ်လှည့်စီလာရောက်ပစ်ခတ်တိုက်ခိုက်ခဲ့သည်။

ရန်သူ၏လက်နက်ကြီးပစ်ကူများ၊ရဟတ်ယာဉ်၊ ဂျက်တိုက်လေယာဉ်များမှတောက်လျှောက်ပစ်ခတ်တိုက်ခိုက်နေသည့်ကြားမှ "မင်းဖူးတောင်တန်း"ရှိရန်သူ့အထိုင်ကုန်းပင်မဌာနချုပ်နေရာအားညနေ(၆) နာရီ(၃၀) မိနစ်တွင် ရက္ခိုင့်တပ်တော်မှသိမ်းပိုက်နိုင်ခဲ့သည်။ယခုထိုးစစ်အတွင်း ရန်သူ၏ လက်နက်ကြီး တစ်လက်၊ ၆၀-မမ တစ်လက်အပါအဝင်၊ MG-42(ငါးကြင်းမြီး) ၁ လက်၊ လက်နက်ငယ်(၆) လက်အပါအဝင်ရန်သူ့အလောင်းအချို့ကိုသိမ်းဆည်းရမိထားခဲ့သည်။ ကစဥ့်ကလျားဆုတ်ခွာထွက်ပြေးနေသည့်ရန်သူများကိုလိုက်လံချေမှုန်းတိုက်ခိုက်လျက်ရှိနေဆဲပင်ဖြစ်သည်။

(၃) မြေပုံမြို့နယ်၊ အင်ကြင်းရွာ၊ အနောက်ဖက်(၁) ကီလိုမီတာအကွာအဝေးတွင်လည်း နံနက်(၆) နာရီ (၁၅) မိနစ်မှ စတင်ပြီး တိုက်ပွဲဖြစ်ပွားခဲ့သည်။ အသေးစိပ်အခြေအနေမသိရသေးပါ။ဒီဇင်ဘာလ(၁၀) ရက်နေ့၊ မြေပုံမြို့နယ်အတွင်းဖြစ်ပွားခဲ့သောနောက်ဆက်တွဲ အနေဖြင့် အမ်းအခြေစိုက် ခမရ(၃၇၃) တပ်ရင်းထံမှနောက်ထပ် စစ်အသုံးအဆောင်ပစ္စည်းများပါဝင်သောခြင်းတောင်း(၄၀) ကျော်ကိုထပ်မံသိမ်းဆည်းရမိခဲ့သည်။



(၄) မြောက်ဦးမြို့နယ်၊ ရန်အောင်ပြင်ရွာအနီး၊နံနက်(၈) နာရီမှ (၁၁) နာရီအထိ တိုက်ပွဲဖြစ်ပွားခဲ့သည်။ ရန်သူသည်မိမိတို့ရှိရာနေရာသို့ဝင်ရောက်လာသောကြောင့် တိုက်ပွဲဖြစ်ပွားရခြင်းဖြစ်သည်။

(၅) မြောက်ဦးမြို့နယ်၊ပေါက်တောပြင်ရွာအနီး၊ သင်းကျိုက်တော်တောင်ထက်တွင်လည်း နေ့လည်(၁) နာရီ(၀၅) မိနစ်မှစတင်တွင် ရုတ်ချည်းထိတွေ့တိုက်ပွဲဖြစ်ပွားခဲ့သည်။ အထိအခိုက်အကျအဆုံးမသိရခဲ့ပါ။

(၆) နောက်ဆက်တွဲတိုက်ပွဲသတင်းများကိုဆက်လက်တင်ပေးသွားပါမည်။

သတင်းနှင့်ပြန်ကြားရေး ရက္ခိုင့်တပ်တော်

779 views

Comments


bottom of page