၂၀၁၉ ခုနှစ်၊ ဇွန်လ(၁၇) ရက်၊ တနလာင်္နေ့၊ရခိုင်ပြည်တိုက်ပွဲသတင်းများ

၂၀၁၉ ခုနှစ်၊ ဇွန်လ(၁၇) ရက်နေ့တွင် ပလက်ဝမြို့နယ်“အဘောင်သားရွာ”အနောက်မြောက်ဘက် (၄)ကီလိုမီတာအကွာရှိတောင်တန်းပေါ်တွင် နေ့လည်(၁၂) နာရီခန့်မှစတင်ပြီး ညနေ (၆) နာရီနီးပါးအထိ ၎င်းနေရာပတ်ဝန်းကျင်၏နေရာ(၃)ခုတို့၌တိုက်ပွဲများရှေ့ဆင့်နောက်ဆင့်(ပစ်လိုက်နားလိုက်)အသီးသီးဆက်တိုက်ဖြစ်ပွားခဲ့သည်။ယခုတိုက်ပွဲဖြစ်ပွားနေသောနေရာသည်"ပလက်ဝမြို့"မှ(၈)ကီလိုမီတာအကွာအဝေးအနေအထားတွင်ရှိသည်။

(လွန်ခဲ့သော(၃)ရက်ဖြစ်သော၂၀၁၉ခုနှစ်၊ဇွန်လ(၁၅)ရက်နေ့တွင်လည်းယခုပတ်ဝန်းကျင်၌တိုက်ပွဲဖြစ်ပွားခဲ့သေးသည်။)

ရန်သူ့စစ်ကြောင်းတစ်ကြောင်းလျှင်အင်အား(၁၈၀) ကျော်ပါရှိပြီးစစ်ကြောင်းသုံးကြောင်း(စုစုပေါင်းအင်အား ၅၀၀ခန့်)ဖြင့်မိမိတို့အားနေရာသုံးနေရာမှအင်အားအလုံးအရင်းဖြင့်ထိုးစစ်ဆင်တိုက်ခိုက်လာသောကြောင့်တိုက်ပွဲများပြင်းထန်ခဲ့ရခြင်းဖြစ်သည်။

နေရာ(၃)နေရာတို့၌နေ့လည်မှညနေအထိအပြန်အလှန်ပစ်ခတ်တိုက်ခိုက်မှုများနှင့်အတူရန်သူသည်ပလက်ဝမြို့(ခလရ၂၈၉)၊အဘောင်သားနှင့်BP/67များမှလက်နက်ကြီးပစ်ကူများဖြင့်ထိုးစစ်ဆင်တိုက်ခိုက်ခဲ့ခြင်းဖြစ်သည်။ညနေ(၆)နာရီအထိအပြန်အလှန်ကြိုကြားကြိုကြားပစ်ခတ်တိုက်ခိုက်မှုများရှိခဲ့သည်။ရန်သူ့လက်နက်ကြီး ပစ်ခတ်တိုက်ခိုက်မှုများမှာည (၁၀)နာရီကျော်အထိ ရှိခဲ့သည်။

ယခုတိုက်ပွဲများအတွင်းရန်သူ့အလောင်း(၄) လောင်းနှင့်ရန်သူ့လက်နက်(၁) လက်ကိုသိမ်းဆည်းရမိခဲ့သည်။ ထို့အပြင် ရန်သူ့ဖက်မှ ထိခိုက်နှင့် သေဆုံးသူစုစုပေါင်း(၂၀) ခန့်ရှိနိုင်သည်။ မိမိတို့ဖက်မှ ရန်သူ့ထိုးစစ်ကိုခုခံကာကွယ်ရင်းအာရက္ခစစ်သည်တော်(၄)ဦးတိုင်းပြည်နှင့်လူမျိုးအတွက်အသက်ပေးဆပ်စွန့်လွှတ်ခဲ့ရသည်။

၂၀၁၉ ခုနှစ်၊ ဇွန်လ(၁၈) ရက်၊ အင်္ဂါနေ့၊ရခိုင်ပြည်တိုက်ပွဲသတင်းများ

၂၀၁၉ ခုနှစ်၊ ဇွန်လ(၁၈) ရက်နေ့၊ နံနက်(၇) နာရီ(၂၅) မိနစ်ခန့်တွင် ရခိုင်ပြည်၊ မင်းပြားမြို့နယ်၊ရွှေကျင်(ရွှေကျန်)ကျေးရွာ၏အရှေ့ဖက်တောင်ဖက်(၂.၂ကီလိုမီတာ)အကွာအဝေးရှိတောင်တန်းပေါ်တွင်တိုက်ပွဲများရှိခဲ့သည်။လောလောဆယ်ရန်သူ့အထိအခိုက်အကျအဆုံးများကိုရက္ခိုင့်တပ်တော်၊စစ်ရုံးချုပ်မှမသိရသေးပါ။(အသေးစိတ်အချက်အလက်များနှင့်နောက်ဆက်တွဲသတင်းများကိုဆက်လက်တင်ပေးသွားပါမည်)

ထို့အပြင်ပလက်ဝမြို့နယ်“အဘောင်သားရွာ”အနောက်မြောက်ဘက်(၄)ကီလိုမီတာအကွာရှိတောင်တန်းပေါ်၌ ယမန်နေ့(ဇွန်လ-၁၇-ရက်) ကတိုက်ပွဲဖြစ်ပွားခဲ့သော နေရာအား မြန်မာ့တပ်မတော်သည် နံနက်(၇) နာရီခန့်မှစတင်ပြီးလက်နက်ကြီးများကိုနေရာ(၃)နေရာမှပစ်ခတ်တိုက်ခိုက်ပြီးထိုးစစ်ဆင်တိုက်ခိုက်မှုကိုစတင်ပြုလုပ်ခဲ့သည်။ ထို့အပြင်နေ့လည်(၁) နာရီနောက်ပိုင်းမှစတင်ပြီး ဟတ်စကီး(ရဟတ်ယာဉ်) နှစ်စီးဖြင့် သုံးကြိမ်တိုင်တိုင်လာရောက်ပစ်ခတ်တိုက်ခိုက်ခဲ့သည်။

ရန်သူသည် လက်နက်ကြီးပစ်ခတ်တိုက်ခိုက်သည့်အကြိမ်အရေအတွက်သည် (၁၀၀) ကျော် နီးပါးရှိခဲ့ပြီး ရဟတ်ယာဉ်ဖြင့်ပစ်ခတ်တိုက်ခိုက်မှုမှာဧပြီလ(၃)ရက်၊ဘူးသီးတောင်မြို့နယ်အတွင်း၊လေယာဉ်ဖြင့်ဗုံးကြဲတိုက်ခိုက်ပြီးနောက်ယခုမှပြန်လည်တိုက်ခိုက်ခဲ့ခြင်းဖြစ်သည်။ဧပြီ(၃)ရက်၊လေယာဉ်ဖြင့်ဗုံးကြဲတိုက်ခိုက်မှုများကြောင့်ဘင်္ဂလီအချို့(၇ ဦး) သေဆုံးခဲ့ပြီးဒဏ်ရာရသူအချို့ရှိခဲ့သည်။

အဆိုပါလေကြောင်းတိုက်ခိုက်မှုနောက်တွင်စစ်ရာဇဝတ်မှုများကိုအကြိမ်ကြိမ်ကျူးလွန်ပြီးနိုင်ငံတကာစစ်ခုံရုံးသို့တက်ရောက်ရန်လက်တစ်ကမ်းအကွာသို့ရောက်ရှိနေသောမြန်မာ့တပ်မတော်သည်လေကြောင်းမှပစ်ခတ်တိုက်ခိုက်မှုကို ဇွန်လ(၁၆) ရက်နေ့အထိ ရပ်တန့်ခဲ့ပြီး ဇွန်လ(၁၇) ရက်နေ့တိုက်ပွဲများတွင် အထိအခိုက်အကျအဆုံးများနေသောကြောင့် ပြန်၍သုံးခဲ့ဖွယ်ရှိသည်ဟုယူဆရသည်။

ထို့အပြင်ဇွန်လ(၁၇)ရက်နေ့၌တိုက်ပွဲများဖြစ်ပွားခဲ့သောပလက်ဝမြို့နယ်၊အဘောင်သားရွာ၊အနောက်မြောက်(၄.၄ကီလိုမီတာ)ပတ်ဝန်းကျင်တွင်ယနေ့၊ညနေ(၄)နာရီပတ်ဝန်းကျင်၌လည်းတိုက်ပွဲများဆက်လက်ဖြစ်ပွားခဲ့သည်။ ယနေ့တိုက်ပွဲအတွင်း ရန်သူ့ဖက်မှ (ထိခိုက်+ကျဆုံး) ၁၀ ဦးခန့်အထိရှိခဲ့ပြီးတိုက်ပွဲများဆက်လက်ပြင်းထန်ခဲ့သည်။နှစ်ဖက်စနိုက်ဘာသမားများဉာဏ်ရည်ပြိုင်သောတိုက်ပွဲတစ်ပွဲဖြစ်ခဲ့ပြီး မိမိတို့ Sniper စနိုက်ဘာသမားလက်ချက်ကြောင့် ရန်သူ့ဖက်မှ (၁) ဦးသေဆုံးခဲ့သည်။

ပလက်ဝမြို့နယ်အတွင်း၌နေ့လည်(၁၂) နာရီ(၁၅) မိနစ်အချိန်တွင်ရန်သူ့ Drone ဒရုန်းတစ်စင်းအား ရက္ခိုင့်တပ်တော်၊ စနိုက်ဘာသမားမှပစ်ချနိုင်ခဲ့သည်။

သတင်းနှင့်ပြန်ကြားရေး ရက္ခိုင့်တပ်တော်

  • Vkontakte Social Icon
  • Twitter
  • YouTube

Copyright © 2020 Arakan Army