ရှမ်းမြောက်တွင် စစ်ဘေးရှောင်ပြည်သူများအား စာနာစိတ်အပြည့်ဖြင့် ရက္ခိုင့်တပ်တော် တနိုင်တပိုင် ကူညီ

ရှမ်းမြောက်တွင် စစ်ဘေးရှောင်ပြည်သူများအား စာနာစိတ်အပြည့်ဖြင့် ရက္ခိုင့်တပ်တော် တနိုင်တပိုင် ကူညီ

၂၀၂၄ ခုနှစ်၊ ဇန်နဝါရီလ (၁၈) ရက်

ရှမ်းမြောက်ဒေသ၏ မူဆယ် နှင့် ၁၀၅ မိုင်အနီးတဝိုက်ရှိ စစ်ဘေးရှောင်ပြည်သူလူထုများကို ညီနောင်မဟာမိတ် (၃) ဖွဲ့ထဲမှ တစ်ဖွဲ့ဖြစ်သော ရက္ခိုင့်တပ်တော် (Arakan Army) အနေဖြင့် တနိုင်တပိုင် ကူညီပံ့ပိုးမှုများကို ၂၀၂၄ ခုနှစ်၊ ဇန်နဝါရီလ (၁၆) ရက်၊ နေ့လယ် (၁) နာရီခွဲခန့်မှ စတင်၍ ညနေ (၆) နာရီနီးပါးအထိ ပြုလုပ်ခဲ့ပါသည်။

စစ်ပွဲများကြောင့် ပြည်သူများအနေနှင့် လူမှုစီးပွားဒုက္ခအဝဝနှင့် အခက်အခဲမျိုးစုံကြုံတွေ့ရသည်မှာ မှန်သော်လည်း ဤအခက်အခဲများကို အားလုံးစုပေါင်းရင်ဆိုင်ကြပြီး ပိုမိုကောင်းမွန်သော အနာဂတ်သို့ ရောက်ရှိအောင် အားလုံးစုစည်းရင်ဆိုင်သွားကြရန် မိမိတို့ ရက္ခိုင့်တပ်တော်မှ တိုက်တွန်းလိုက်ပါသည်။

စစ်ဘေးဒဏ်နှင့်အတူ စားဝတ်နေရေးအခက်အခဲကြုံတွေ့နေရသော ပြည်သူများနှင့် မိမိတို့သည် တသွေးတည်း၊ တသားတည်း အချိန်မရွေးရှိနေပါသည်။ မိမိတို့သည် မည်သည့်နေရာ၊ မည့်သည့်ဒေသသို့ရောက်ရှိပါစေ လူမျိုးမရွေး၊ ဘာသာမရွေး ခွဲခြားစိတ်မရှိဘဲ အတူရပ်တည်နေပါသည်။ ထို့အပြင် စာနာစိတ်အပြည့်ဖြင့် တတ်နိုင်သည်များကို တစ်ဖွဲ့ချင်းအလိုက်သော်လည်းကောင်း၊ ညီနောင်မဟာမိတ် (၃) ဖွဲ့အနေဖြင့်သော်လည်းကောင်း အကောင်းဆုံးပံ့ပိုးကူညီပေးသွားပါမည်။

#AAInfoDesk