ဘူးသီးတောင်မြို့ထိပ်ထူးပေါက်တောင်တန်းမိုင်းများပေါက်ခြင်းနှင့်ပတ်သက်၍ငြင်းဆိုသည့်ထုတ်ပြန်ကြေညာချက်

ဘူးသီးတောင်မြို့နယ်၏ ထိပ်ထူးပေါက်တောင်တန်း၌ မြေမြှုပ်မိုင်းများပေါက်ကွဲခြင်းနှင့်ပတ်သက်၍ ၎င်းမိုင်းများမှာမိမိတို့၏မိုင်းမဟုတ်ကြောင်း ထုတ်ပြန်ကြေညာချက်



၂၀၂၀ ခုနှစ်၊ ဇန်နဝါရီလ(၈) ရက်

၂၀၂၀ ခုနှစ်၊ ဇန်နဝါရီလ(၇) ရက်၊ နံနက်(၁၀) နာရီ(၃၀) မိနစ်တွင် ဘူးသီးတောင်မြို့နယ်၊ ထိပ်ထူးပေါက်ရွာကျေးရွာ၏ အရှေ့မြောက်(ခန့်မှန်ခြေးမြေပုံညွှန်း(DT-601 977) တွင် မိုင်းပေါက်ကွဲမှုတစ်ခုဖြစ်ပွားခဲ့ပါသည်။ အဆိုပါပေါက်ကွဲမှုကြောင့် မူဆလင်အရပ်သား(၄) ဦးသေဆုံးကာ (၆) ဦးဒဏ်ရာရရှိသွားကြောင်းကြားသိရပါသည်။ဤကဲ့သို့ အပြစ်မဲ့ပြည်သူလူထုနှင့် အရပ်သားများသေဆုံးရခြင်းအပေါ် မိမိတို့(ULA/AA)အနေဖြင့်စိတ်မကောင်းဖြစ်ကာဝမ်းနည်းရပါသည်။



ပေါက်ကွဲမှုဖြစ်စဉ်ဖြစ်ပွားခဲ့သည့်နေရာမှာ မြန်မာ့တပ်မတော်၏စစ်ကြောင်းတစ်ခုမှ တစ်လနီးပါးစခန်းချနေထိုင်ခဲ့သောနေရာဖြစ်ပြီး မြေမြှုပ်မိုင်းမပေါက်ကွဲမီတစ်ရက်အလို( ၂၀၂၀ ခုနှစ် ဇန်နဝါရီလ(၆) ရက်နေ့) ၌အဆိုပါစစ်ကြောင်းမှာတပ်ပြောင်းရွှေ့သွားသည့်နေရာပင်ဖြစ်ပါသည်။ ဤသည်ကို ထိပ်တူးပေါက်ရွာသူ/ရွာသားများအားလုံးအသိပင်ဖြစ်ပါသည်။ ထို့အတူ ထိခိုက်ဒဏ်ရာရသူများ၏ ဒဏ်ရာများကိုကြည့်လျှင်ပင် မြန်မာ့တပ်မတော်၏ စွန့်လွှတ်မိုင်းလက်ချက်သာဖြစ်ကြောင်းသိစေနိုင်ပါသည်။


မြန်မာ့တပ်မတော်သည် ၎င်းတို့စခန်းချနေထိုင်သည့် နေရာများဖြစ်သည့် ရှေ့တန်းစခန်းကုန်းများ၊ စာသင်ကျောင်းများ၊ ဘုန်းကြီးကျောင်းများပတ်လည်၌ ၎င်းတို့တပ်ရွှေ့ပြောင်းသွားသည့်အချိန်များတွင် စွန့်လွှတ်မိုင်းများကိုချန်ထားလေ့ရှိပါသည်။ ယမန်နေ့ကပေါက်ကွဲခဲ့သောထိပ်ထူးပေါက်တောင်တန်းဖြစ်စဉ်မှ မြေမြှုပ်မိုင်းမှာလည်း မြန်မာ့တပ်မတော်မှ ထောင်ထားခဲ့သောစွန့်လွှတ်မိုင်းကြောင့်သာဖြစ်ပြီး မြန်မာ့တပ်မတော်မှစွပ်စွဲထားသကဲ့သို့မိမိတို့၏မိုင်းမဟုတ်ကြောင်းအခိုင်အမာ ငြင်းလိုပါသည်။ မြန်မာ့တပ်မတော်အနေဖြင့် ၎င်းတို့ကျူးလွန်သည့်ပြစ်မှုများကိုမိမိတို့အဖွဲ့အစည်းအပေါ်ပုံချခြင်းမှာ အောက်တန်းကျသောလုပ်ရပ်တစ်ခုသာဖြစ်ပြီး အစိုးရစစ်တပ်တစ်ခု၏ အဆင့်အတန်းဂုဏ်သိက္ခာကင်းမဲ့မှုကိုဖော်ပြနေခြင်းပင်ဖြစ်သည်။





ထို့အပြင် မြန်မာ့တပ်မတော်သည် DT-607972 (ထိပ်ထူးပေါက်တောင်ဦး)၊DT-620959(စံဂိုးတောင်ဘုရား(သို့မဟုတ်)၃၁-ဘုံဘုရား) DT-627952(နွားရုံတောင်ရွာအနီး) စသည့်နေရာများအပြင်၎င်းမြေပုံညွှန်းပတ်ဝန်းကျင်များ၌ ဆက်လက် စခန်းချတပ်စွဲကာနေထိုင်လျှက်ရှိဆဲပင်ဖြစ်သည်။ ထို့ကြောင့် အရပ်သားပြည်သူလူထုများအနေဖြင့်မိုင်းအန္တရာယ်ကင်းဝေးစေရန် မြန်မာ့တပ်မတော်စခန်းချနေထိုင်သောပတ်ဝန်းကျင်များသို့ သွားလာခြင်းမပြုလုပ်ကြပါရန် လေးစားစွာဖြင့်ထပ်မံအသိပေးအပ်ပါသည်။

သတင်းနှင့်ပြန်ကြားရေး ရက္ခိုင့်တပ်တော်

  • Vkontakte Social Icon
  • Twitter
  • YouTube

Copyright © 2020 Arakan Army